Covid-19 : Chawngte Area, July 31, 2021 

Chawngte ‘L’ ah hian hrikai mi 103 awm tawh in, mi 86 te an dam tawh a, enkawl lai mi 16 an awm mêk. 

New Lungrang ah hian Covid 19 test runpui neiin Sample 175 lâk a ni a, hrikai 63 hmuchhuakin, chhungkaw 10 te chu an mahni inah enkawl an ni a, mi 25 te chu 4C ah enkawl an ni bawk. 

Chawngte ‘P’ ah hian hri kaina chin hriat loh hmuh chhhuah thar an awm avangin vengchhung inkhuahkhirhna khauh zawka kalpui a ni a, chhungtin te chhuakvak lo tura tih niin, nitin mamawh pawh Duty te  kaltlanga in pêk ṭhin a ni. Chawngte ‘P’ 4C-1 leh 4C-2 ah hian hrikai 28, (mipa 12 leh hmeichhia 16) an awm mêk a ni.

Hmunlai ah hian Sample 20 enfiah zingah hrikai 8 hmuh a ni a, 4C ah enkawl nghal in chhungkaw 16 zet hrikai nena in hnaih te an mahni inah khung hrang an ni a, Hmunlai 4C intuamhlawmna tur hian mi ṭhahnemngai te ṭanpuina engemaw zât a lût tawh a, Bialtu MDC, LADC Executive Member ni bawk, Pu Andrew Laltlanzara pawhin Rs 5000/- in a ṭanpui a ni.

Longpuighat Joint VLTF hruaitu hnen aṭanga thu dawn danin, 'Longpuighat ah Covid -19 hrikai enkawl te chu an dam vek tawh a ni' a ti.

Vawiin tlai dar 5:00 thleng khan, Mizoramah Covid -19 hri kai zawng zawng mi 38064 awmin, mi 26129 te dam takin an chhuak tawh a, mi 11787 enkawl mêk awmin, Mi 148 te chuan nunna an chan tawh a ni. Tunkar chhungin hri kai 6719 hmuh belh niin, 2970 te dam takin an chhuak thei a, mi 10 in nuna an chân a ni.

Mahni In a tawmim hi himna a ni a, thil ṭul avanga pâwn chhuakte chuan midang hlata awmin, hmaituamna hlip lo ila, kut tihfai ngun hle tur a ni.

Chawngte Civil SDO Conference Hall ah Chawngtea sawrkar mi pawimawh leh khawtlang hruaitute an thu khawm.

July 26, Chawngte: Vawiin khan Chawngte Civil SDO Conference Hall ah Chawngte a Sawrkar mi pawimawh leh khawtlang hruaitute an thu khawm a, Civil SDO Dr. Manesia Khaimeichho chuan meeting hi kaihruaiin, kan hma August ni 15, India zanlenna Ni hman dan tur sawiho a ni.

India ram zanlenna Ni champha hi hrileng avangin kum dang angin hman theih a ni dawn lova, Chawngte 'C' playground ah hnampuan zar pawt pharh in inkhawm tawi buatsaih a ni ang a, Khuallian atan CADC Chief Executive Member beisei a ni. He hunah hian Ram leh khawtlang hruaitu leh Sawrkar mi pawimawh te an tel thei dawn a ni.

Baptist Church Of Mizoram, Chawngte Pastor bial chu bial hnih ah then a ni ta.

July 20, Chawngte: Vawiin khan hrileng laka invenna tha taka kalpui chungin, BCM Chawngte Pastor bial chu bial hnih ah then a ni a, Chawngte West Pastor bial leh Chawngte East Pastor bial ah then a ni.

He bial then inkhawm, BCM Biak In Shalom chawngte 'P' a neih ah hian Bialtu Pastor Rev. LH. Lalmalsawma'n a kaihruai a, BCM Associate General Secretary, Rev. R. Lalbiakliana chuan Pathian ram a lo zau va, a ngheh a, a lanfiah deuh deuh theihna turin BCM Pastor bial hnih hi a hawng a ni.

Pastor bial hnih puipa turte chu Pathian hnenah hlan in a tawngtai sak a, Pastor Bial Secretary, Upa A. Lalhmunsanga chuan report pe in, "Pastor bial khata kan awmho lai hian Tualchhung Kohhran pariat (8) awmin chhungkua 410 ah Member 2064 kan awm a, Kum 55 a upa, Chawngte Pastor bial chu, BCM Rorelna sangber Assembly in a rem tihna leh ruahman angin inthen a ni ta a ni". a ti. 

Tun a bial then ah hian Tual chhung Kohhran pali (4) ve ve an awm dawn a, BCM Chawngte West Pastor bial hi BCM Pastor bial 91 na a ni ta a ni.

BCM Christian Education Director, Rev. ZD. Rodingliana chuan thuchah sawiin, 'Setana duh loh ber chu Kohhran ho ten Pathian kan fak thin hi a ni, Kohhran hoten nasa takin Pathian hi i fak ang u' tiin a sawi a ni.

Chawngte West Bialtu Pastor Rev. Vanlalkima khiangte chuan malsawmna in he inkhawm hi a tin a ni.

Mizoram Rural Bank Chawngte Branch, tu tih hriat loh ten an bei.

July 21, Chawngte: Mizoram Rural bank Chawngte Branch chu July ni 19 zan khan tu tih hriat loh te an lut ru, kawngkhar kalhna tichhia in an lut a, pawisa dahna chu thirtiang in tihchhiat tumin bei mahse an hlawhchham a, Thawktute sawi danin Misual te hian CCTV footage (Hard disc) an la chhuak a, thil bo dang engmah a awm lo. an ti. 

MRB Chawngte a thawktu te hian beih an tawk tih an hriat hnuin nimin khan Chawngte Police Station ah FIR thehluh nghal a ni a, Police te hian a hmunah an enfiah nghal a, tun dinhmunah rinhleh a man an la nei lo.

 Hrikai te enkawlna tur bawm dawh.

July 17, Chawngte: Hrikai te a thlawna enkawlna an dawn theihna turin Chawngte 'P' VLTF te chuan tanpuina tur bawm an dawh a, Tukin ah Ni 100 inhlawhna an lâk atangin mipui ah anmahni phalna ngei a, hrikai te enkawlna tura an vawm khawm theihna turin bawm hi dawh a ni. Phal taka mipui sum thawhkhawm hi Rs. 13,300/- a tlingkhawm thei a, Chawngte 'P' 4C Management Comt. chuan phal taka sum thawhkhawm tute hnenah lawmthu an sawi a ni.

Chawngte ah hian Hrikai 771 hmuhchhuah tawh niin, mi 696 te an dam tawh a, enkawl lai 69 an awm mek a, Hri avangin mi 2 an thi tawh. CHC Chawngte Senior Medical Officer, Dr. Walter Lalnuntluanga Sailo hnen atang thu dawn danin, hri danna pek chhunzawm zel a ni a, Tunah hian CHC Chawngte ah Dose khatna mi 3639, Dose hnihna mi 767 pek an ni tawh a, PHC Borapansury ah Dose khatna mi 1006 leh dose hnihna mi 189 an pe tawh bawk. CHC area ah natna benvawn neite (a bikin kum upa lam) zawnchhuah vek tura hmalak a ni a, Nu naupai pawh felfai taka list neih a, an covid status hriat zel tum ani.

Hrikai, nau nei mai tur, leh Damlo na zual te enkawl na tur ward buatsaih a ni bawk...

Chawngte 'P' ah hrikai mi pahnih hmuh belh a ni.

July 16, Chawngte: Vawiin khan Govt. High School Chawngte (Chawngte 'P' 4C-II) ah Covid-19 test neih a ni a, RAgT hmanga sample 53 enfiah niin, Mi pahnih in hri an kai tih finfiah, hri a kaina chin hriat loh, Symptom lang chhuak leh Tui bill pek avanga hrikai nia rinhleh Symptom neilo te an ni.

Chawngte ah hian Tui bill Online a pek theih ala nih loh avangin, July ni 5 leh ni 7 khan Chawngte 'P' tan tui bill pek hun siam a ni a, thawktu lam hrikai hmuhchhuah a nih a tanga hri darh thei chhui nan hian test buatsaih a ni.

Chawngte 'P' Mipui ten chawhmeh tharlam tak an dawng.

July 14 Chawngte: Hrileng avangin inkhuahkhirna khauh tak kalpui mek Chawngte 'P' khawtlang ah hian chin hriat lova, hri kai hmuh chhuah a ni a, VLTF te chuan hri danchah a nih theihna turin mipui pawn chhuah akhap a, hetiang a nih mek lai hian an khaw thenawm Hmunlai khawtlang te chuan an thlai thar (Chawhmeh) thahnem tak an lo pe a, Chawngte 'P' VLTF Relief In-Charge ten lo dawng sawngin khawtlang mipui hnenah an sem chhuak a ni. Chawngte 'P' ah hian hrikai 7 hmuhchhuah tawh a ni a, mi 4 te dam tawhin 4C ah Mipa 3 enkawl mek an ni.

Chawngte 'P' khawtlang te hi Mualbu 'L' Branch YMA te pawhin Chawhmeh thahnem tak an lo pe tawh bawk.

Press Release

Mizoram: Tribal villagers demand medical facilities in Longpuighat amid rising COVID19 cases.

July 13, Longpuighat: The Village Councils of Longpuighat I and II and the civil society organizations in Chakma Autonomous District Council in Lawngtlai district of Mizoram have demanded that the Primary Health Centre at Longpuighat be immediately made functional in view of the rising number of COVID19 positive cases in the area. In a petition submitted to Dr R. Lalthangliana, Health Minister of Mizoram today, the local Village Council Presidents and NGOs namely the Young Chakma Association, Mizoram Chakma Students Union, Chakma Mahila Samiti and the Village Level Task Force (VLTF) stated that a total of 312 positive cases of COVID19 have been found in Longpuighat I and II and the patients are being kept at the local Community Covid Care Centres. Apart from coronavirus, several tribal villagers are also suffering from different diseases but the patients are not getting any medical care. “Due to total lockdown (Longpuighat having been declared a red zone), the patients are not being able to get treatment due to lack of any doctor or nurse at the village. 

The Primary Health Centre at Longpuighat is lying defunct and closed”, stated Mr Sudhir Tongchangya, Joint Secretary of Joint VLTF Committee of Longpuighat. “The situation is getting more serious by the passing day. Longpuighat and its neighbouring area is presently full of sick people, who are not getting any kind of treatment”, he further stated. The joint petition requested the Health Minister to immediately despatch a team of medical doctors with necessary medical supplies for treatment of COVID19 and non- COVID19 patients at Longpuighat and to make the Longpuighat PHC functional by posting sufficient number of MBBS doctors, nurses, health workers along with supply of basic life-saving medicines to prevent unnecessary deaths and hardships of the tribal people in the locality. 

For any further information or clarification, please contact Mr. Sudhir Tongchangya at 7085193405

Mi tlawmngai ten tanpuina pe in an penchhuak zel.

July 12, Chawngte: Chawngte 'P' ah hian chin hriat lova hrikai hmuhchhuah a nih avangin, VLTF te chuan khauh zawka inkhuahkhirna kalpui a ni a, hri danchah a nih theihna turin khawtlang mipui pawnchhuah a khap tlat a, mamawh chakkhai lam sakin duty ten an vil reng bawk. Hetianga pawnchhuak thei lova inkharkhip a nih avangin eitur an tlakchham hlauin YMA Mualbu 'L' Branch chuan hnatlangin chawhmeh zawn leh an thlai thar te thawh khawmin Pick-up trip 2 (hnih) zet mai Chawngte 'P' khawtlang mipui tan vawiin khan an hlan a, Chawngte 'P' VLTF te chuan chhung tin te hnenah heng chawhmeh te hi an sem nghal a, Chawngte 'P' VLTF te chuan, "YMA Mualbu 'L' Branch hnenah lawmthu kan sawi tak zet a ni" an ti.

Chawngte 'P' ah hian 4C-I (LADC Rest House) ah Hri kai Mipa 4 leh hmeichhia 1 enkawl mek an ni.

Member 80 vel awmna YMA Mualbu 'L' Branch hian, Chawngte 'L' khawtlang tan chawhmeh thahnem tak an lo pe tawh bawk.

Unfortunately Pu PC Thangpuia Of Chawngte  'L' passed away due to covid 19.

July 10, Chawngte: Pu PC  Thangpuia was found covid positive on June 19, he was 80 years old, he also had diabetes, breathing problem for which he had got admitted at zmc on 29 June. He died this evening at 5:00 pm. His last rite or funeral service will be held at chawngte  'L' community Hall. 2 People have died in covid case in chawngte.

Vanduai thlak takin, Covid-19 avangin Chawngte 'L' ah Pu PC. Thangpuia a thi.

July 10, Chawngte: Pu PC. Thangpuia hi June ni 19 khan hri a kai tih finfiah a ni a, kum 80 a upa niin, Zun thlum a nei a, a thaw a hah bawk avangin June 29 kha ZMC ah refer a ni a, Vawiin tlai dar 5:00 khan ZMC ah a thi a, Naktuk Pathian ni ah,  Chawngte 'L' Community Hall ah vuina hun hman a ni ang. Heti hian  Chawngte ah  Covid-19 avangin mi 2  an thi tawh.

HSSLC Top 4 Lalthanzami, YLA Sub-Hqrs Chawngte in chawimawina an hlan.

July 09, Mualbu 'L' : Tun hnaia HSSLC (Arts) result chhuaka Mizoram Top-4, Lalthanzami Pu Biaknema fanu, Lawngtlai District, Mualbu 'L' chu, YLA Sub-Hqrs. Chawngte hruaitu ten a chenna inah chawimawina an hlan. YLA Sub-Hqrs. Secretary Pu J. Thanghleia kaihruai chawimawina hun hmanah hian Thuziak leh Tangka fai hlan a ni a, 'Zirna lama Lawngtlai District ti hmingthatu, kan Sub-Hqrs huam chhunga kan nei hi chhuanawm' a tih thu, President Pu A. Lalzarliana chuan a sawi.

He hunah hian YLA Sub-Hqrs Chawngte hruaitute tawiawmin, LSA Aub-Hqrs. Chawngte President, Tv. HC.Vanlalzuia, leh Zirna lama mi hming tha kan neih te, Tv. Mordekai Lalchhanhima, leh Tv. Johan A. Remthangpuia an tel thei a, fuihna thu tha tak tak an sawi bawk.

YLA ten Chawngte leh Diltlang inkar kawng thawmthat hna thawk mek an vil.

July 08, Chawngte : Chawngte 'P' to Diltlang road PMGSY hmang siam thawmthat hna thawh mek a ni a, YLA Sub-Hqrs Chawngte hmalakna in an Area chhunga Branch ten chan bik in semin an vil reng a, Chawngte 'P', Hmunlai, New Hmunlai, Mualbu 'L' Branch te hian an huam chhung hna thawk te hi duty in chhawk in nitin an vil a ni. He kawng thawm that hna hi Contractor pathum vil lai mek niin, YLA Sub-Hqrs Chawngte President, Pu A. Lalzarliana chuan, Mualbu 'L' to Chawngtelui hna thawk tu hian tun thlengin kut ala thlak lo hi pawi kan ti hle a, a rang lam a kawng thawmthat hna an thawh theih nan thu neitu ten hma laksak turin an ngen a ni.

CADC Chairman, Pu Mohan Chakma in, CHC Chawngte ah Oxygen Concentrator a hlan.

July 08, Chawngte : International Buddhist Confederation chuan hrikai damlo enkawlna turin Oxygen Concentrator bur hnih CADC a pe a, vawiin khan CADC Chairman Pu Mohan chakma chuan damdawiin thuneitu te hnenah an hlan chhawng a ni. Chairman hi MDC Pu Thantluanga'n a tawiawm.

Lawngtlai District chhûngah Community Covid Care Centre, pathum hawn belh a ni.

July 08, Chawngte : Covid-19 hrileng chuan ziaawm lam a pan thei meuh lova, inenkawlna hmun pawh siam belh zel a ni. Lawngtlai bawrhsap, Dr. Andrew H. Vanlaldika chuan vawiin khan thuchhuah siamin, Chawngte 'P' ah Govt. High school Chawngte, Saizawh west ah Govt. Comprehensive Middle School leh Govt. Primary School Saizawh west chu  hrikai enkawlna hmun Comunity Covid Care centre a hman a tan buatsaih a ni.

Lawngtlai District, CADC Area, Longpuighat ah vawiin khan Covid-19 Active Case Search neih chhunzawm a ni.

July 07, Longpuighat: Jt. VLTF Chairman, Pu Rono Jit Chakma hnen atanga thudawn angin Nimin khan Longpuighat ah hrikai 162 hmuh chhuah anih hnuah vawiin khan test neih chhunzawm a ni a, Sample 588 endik niin heng zing atang hian hri kai 142 hmuh chhuah a ni. Hetihian nihnih chhungin Longpuighat ah hian hrikai 304 hmuhchhuah a ni a, heng  304 zingah hian Betbonya khua mi 6 an tel bawk.

Lawngtlai bawrhsap, Dr. Andrew H. Vanlaldika chuan thuchhuah siam in hrikai zawnchhuah hna tha taka thawh a nih theih nan, Longpuighat chu vawiin atangin thu leh awm hma chu Containment zone ah a puang nghal.

Lawngtlai District, CADC Area, Longpuighat ah vawiin khan Covid-19 Active Case Search neih a ni.

July 06, Longpuighat: Longpuighat Joint VLTF Chairman, Pu Rono Jit Chakma hnen atanga thu dawn dan in, Longpuighat ah hian Bungtlang PHC atangin Medical team te lo kalin Covid-19 Active Case search (ACS) an nei a, Sample 519 endik zingah Covid-19 Positive mi 158 hi Longpuighat niin, Betbonya ah 4 hmuh a ni a, Longpuighat 4C ah leh Home Isolation a enkawl nghal an ni a, naktuk hian Active Case Search hi neih chhunzawm a ni ang.

Chakma Autonomous District Council, CEM Pu Durjya Dhan Chakma chu CEM a nihna atanga bangturin an ngen.

July 06, Chawngte: Chakma Autonomous District Council, Rorel lai MNF party ah hian hruaitu inthlakna alo thleng tawh a, March ni 29 khan Chief Executive Member chhuakta, Pu Rashik Mohan Chakma in banna thehlut in pawm a ni a, April ni 6 khan Pu Durjya Dhan Chakma chu CADC CEM atan lakluh a lo ni tawh a, MDC Seat 20 awmna CADC ah hian rorellai MNF 18 leh BJP 2 an awm mek a, rorel lai MNF MDC 10 te chuan CEM Pu Durjya Dhan Chakma chu thlawp tu nei tlem zawk a nih a vangin, CEM a nihna a tangin inhnukdawk turin an ti ta a ni.

Nimin a, CEM bang tura an tihna lehkha ah hian MDC 10 ten hming an ziah hnan a, heng zingah hian Leader lo ni tawh thin, Pu Rashik Mohan Chakma leh Pu Buddha Lila Chakma pawh an tel.

Nimin vek khan CEM Pu Durjya Dhan Chakma chuan Executive Committee thuchhuak angin Adviser to CEM, Pu Buddha Lila Chakma leh Adviser to Planning & Development Committee, Pu Ajoy Kumar Chakma chu an nihna dinhmun a tangin banna a pe bawk a ni.

Chawngte Area ah MHIP Day chu khawtlang tan thiltha tih nan hman a ni.

July 06, Chawngte: Mizo Hmeichhe insuihkhawm Pawl Day hi kum danga hman dan angin hman theih nilo mahse, khawtlang tan tangkai taka hman a ni a, 

Chawngte 'P' Branch chuan an member khawsak harsa mi 20 te hnenah tanpuina an hlan.

Chawngte 'C' Branch hian Chawngte 'L', Chawngte 'P' leh Chawngte 'C' a hrikai enkawlna hmunah Rs. 2000 theuh in tanpuina an hlan.

Chawngte 'L' branch hian an branch huamchhunga hrikai enkawlna hmuna awm mek te leh, Home Quarantine mek te eitur an buatsaih sak bawk.

Covid-19 hri danna Chawngte 'P' ah pek a ni.

July 05, Chawngte: Thawhtanni:

Vawiin khan Chawngte 'P' ah CHC Chawngte bul tumin Covid-19 hri danna pek a ni.

Kum 18-44:

1st dose - 231

2nd dose - 11

Kum 45-59:

1st dose - 34

2nd dose - 36

Kum 60 chunglam:

1st dose - 9

2nd dose - 14

1st dose total - 274

2nd dose total - 61

TOTAL - 335

Vial used - 31

Covid-19 hri kai enkawl lai chu tukin zing dar 1:33am  khan a boral. 

July 05, Chawngte: Pi Shanda Prova Chakma, Pu Surya Kanta Chakma nupui hi, Kamalanagar - III a cheng mek, 4C a enkawl lai a ni a, ruhseh natna nei a in enkawl lai a ni. June 29 khan hri a kai tih finfiah a ni a, kum 57 a upa a ni. a natna a zual deuh avangin ZMC ah phurh phei a ni a, ZMC an panpui mek laiin Lungrang daiah a boral ta a ni.

A ruang hi CHC Chawngte ah kir pui niin, vawiin chhun dar 12 khan Kamalanagar-IV ah halral a ni.

Pi Shanda Prova Chakma hi Lawngtlai District Chawngte a, Covid-19 avanga boral hmasa ber a ni.

Chawngte Covid Care Centre a hman atan, CADC CEM, Pu Durja dhan Chakma chuan damdawi Cheng nuaih hnih singnga man hu CHC Chawngte ah a hlan.

July 02, Chawngte: Chakma Autonomous District Council CEM Pu Durja Dhan Chakma chuan Chawngte Covid Care Centre a damlo mi harsa ten a thlawna enkawlna an dawn theih nan damdawi thahnem tak, cheng nuaih hnih singnga man hu a pe a, Sport & Youth Service minister, Pu Robert Romawia Royte hnen atanga an dawn Oxygen Concentrator bur hnih leh Health Minister, Dr. R. Lalthangliana hnen atanga an dawn, PPE Set 100, Sanitizer bur 50, hmaituamna 200, leh kutkawr 400 te nen Senior Medical Officer, Dr. Walter Lalnuntluanga Sailo hnenah vawiin khan hlan a ni.

Hetih mek lai hian CHC Chawngte chuan tunkar chhungin Hmunlai leh Saizawh west ah Covid-19 Vaccine pe in, kum 18 - 44 in kar, 1st dose mi 129, kum 45-59 inkar 1st dose 10, 2nd dose mi 60, leh kum 60 chunglam 1st dose mi 1, 2nd dose mi 9 hnenah Covid-19 Vaccine pek a ni.