Pu Rasik Mohan Chakma, MDC, CADC chu MDC a nihna atanga ban a ni.

September 21, Chawngte: Chakma Autonomous District Council, MDC Pu Rasik Mohan Chakma Borapansury biala atanga thlantlin chu Rule 12(1)(a) of the Chakma Autonomous District Council (Constitution and Conduct of Business, etc) Rules 2020 leh provision of Rules of Mizoram Salaries, Allowances and Pension of Members of Legislative Assembly Act, 1999 bawhchhia a puh in MDC a nihna atanga ban a ni.

Pu Rasik Mohan Chakma  hektu MDC, Pu Onish Moy Chakma, leh MDC panga te hian MDC leh MLA Pension salary chu ala khawp a ni tiin CADC Chairman, Pu Mohan Chakma hnenah an hek a, Chairman hian insawifiahna hun nithum chhung a pek hnuah, A in sawifiahna chu pawm tlak lohah ngaiin Chairman chuan Nimin khan MDC anihna atangin ban a, MDC in hamthatna an hmuh thin zawng zawng pawh tih tawp nghal tura tih a ni.

Pu Rasik Mohan Chakma hi MNF Party atangin MLA term 1 leh CADC MDC term 5 zet lo chelhin, CEM hial a lo ni tawh a, tun a ban a nih hma hian Adviser to CEM nilai mek a ni a, MDC leh MLA hlawh lak kawp chungchangah Chawngte Times zawhna chhangin, Pu Rasik Mohan chakma chuan, "Assembly in an sawi dan chuan Clerical Mistake a nia, an hriatchhuah hnuah min hrilh a, ka rul nghal a, MLA leh MDC hlawh hi la kawp lo ang ka ni." a ti.

CC road monitoring Committee

Sept. 05, Chawngte: Vawiin chawhnu dar 2:30 khan Chawngte 'P' Community Hall ah Chhumkhum - Chawngte kawng siam mek vil ven hna thawka hruaitu tur thlanna neih a ni a, heng mite hi thlan chhuah an ni.

Chairman :

Pu Lalramchuana- Join YMA

Vice Chairman :

Pu Jortir moy Chakma - CYCA

Secretary :

Tv. Felix Lalnundawnga - MSU

Tv. Asst. Secretary :

Sama Lalchhunenga - MZP

Treasurer :

Pu HC. Lalthlangliana - Gr YMA

Fin. Secretary :

Pu Omeg Lalramkinlova - YLA

Advisers:

Pu Laltawnliana VCP  Chawngte 'P'

Pu Lalsangluaia VCP Chawngte 'L'

Pu Ramngheta VCP K/-6

Ex-officio Adviser:

Lunglei Thalai Pawl

Chhumkhum - Chawngte kawng chungchangah Lunglei Thalai Pawl huaihawtin, Rualalungah Chawngte leh a chhehvel khawtlang hruaitute an in hmu khawm.

September 04, Rualalung : Vawiin khan Chhumkhum - Chawngte kawng chungchangah Lunglei Thalai Pawl te huaihawt in Chawngte leh a chhehvel khawtlang hruaitute Rualalungah an in hmukhawm a, Chhumkhum - Chawngte kawng siam mek APS Hydro Pvt. Ltd. in an thawh mek chu a nih dan tur anga thawh a nih loh avangin kawng thalo chu pawi an tih thu an sawi a,  Chawngte - Chhumkhum APS Company in an siam, Mizoram sawrkar hriatpuia, Mizoram PWD, PIU vil venna hnuaiah siam a ni a, kum 2014 atanga 2018  a siam zawh tur a nih laiin, an hna an zawh loh avanga Mizoram sorkarin April ni 31, 2021 thleng a pawh sei a ni. A bik takin Lungrang - Chawngte inkar hi lirthei kal harsa khawpa a chhiat avangin hetiang hian thuchhuah intawm an siam a ni.

Thuchhuah

1. Chawngte - Chhumkhum kawng hi a rang theih ang bera siamthat a nih theih nan mizoram sorkar an ngen a ni.

2. APS te kawngsiam Rualalung - Chawngte inkar 10km hi DPR a double lane nisi in, Intermediate lane a siam ani a, chuvangin DPR a alan angin siam tir an phut tlat a ni.

3. Mizoram sorkarin a aproved tawh Chhumkhum - Chawngte kawng siam nan Soil stabilazation hi hmang tawh lova, WMM hmang tawh turin Mizoram sorkar an ngen a ni.

4. Sept ni 15, 2021 ral hma ngeiin heng an thil phut te hi tih hlawhtlin saka hmala turin an ngen a ni.

Vawiin khawtlang hruaitu thukhawm ah hian, Lunglei Thalai Pawl, Group YMA, Sub-Hrqs. YLA, Joint YMA, MZP, MSU, Central YCA, YMA Rualalung branch, Chawngte 'P' leh 'L' VCP leh a thawhpuite an tel thei a ni.