Young Lai Association Mualbu 'L' Branch ten buh sengin mi an ṭanpui

October 23, Mualbu 'L': Vawiin khan Lawngtlai District, Mualbu 'L' ah cheng Pi Hmangaihzuali te chhungkua buhseng pui in Young Lai Association Mualbu 'L' Branch an hnatlang.

Pi Hmangaihzuali te hi kumin October ni 18 khan chhungkaw pa ber (a pasal) Pu Denisa'n boral sanin, hetia chhiat tawk an nih avang hian hna thawk hleithei lovin an awm a, Buh lu chuh lai a lo ni bawk nen YLA Mualbu 'L' Branch chuan an harsatna te hria in, member 20 vel zet hnatlang thawkchhuakin buhseng hi an pui a, vawiin khan an seng zo nghal a ni.

Chawngte ah zirna inhawn chungchangah Kamalanagar Area VLTF leh CADC Education Officer te an thu khawm.

October 22, Chawngte: Vawiin khan Chawngte ah zirna in (School) hawn chungchangah Kamalanagar Area VLTF huaihawtin Central YCA Hall ah meeting an nei a, meeting ah hian CADC Education Officer, Middle School leh Primary School te, Principal leh Headmaster te, Community Health Centre Chawngte aiawhin Medical Officer, Dr. Rinisha Chakma leh Dr. Ujana Chakma te an tel bawk.

Chawngte ah Zirna in hawn a, naupang school kal dan tur ruahmanna an siam a, Hrileng laka fimkhur tak chungin, awmze nei taka zirna kalpui tha in an hria a, Chawngte khaw dinhmun thlirin, Pawl 10 zirlai leh pawl 12 zirlai te chu karkhata ni 5 school kal se, Middle Section te hi kar khatah vawi 3 kal bawk sela, Primary section te hi kar khatah vawi 2 kal se tiin ruahmanna an siam a ni.

Chakma Autonomous District Council, Chief Executive Member atan Pu Rashik Mohan Chakma chu rinawmna thu tiamtira lakluh a ni.

October 14, Chawngte: Vawiin khan Chakma Autonomous District Council-a Chief Executive Member atan Pu Rashik Mohan Chakma chu CADC Art & Culture Auditorium, Kamalanagar ah Lawngtlai Bawrhsap Dr. Andrew H. Vanlaldika'n rinawmna thutiam tirin a lalut.

Chakma Autonomous District Council CEM atan lakluh thar Pu Rashik Mohan Chakma hi April 2018 a CADC inthlan ah khan Borapasury- I Bial atanga thlan tlin niin October ni 3 a CEM atanga bang ta Pu Durjya Dhan Chakma chu a thlak a, 10th CADC MDC Term hman mekah, BJP atangin Shanti Jiban Chakma CEM hmasa ber niin Pu Rashik Mohan Chakma MNF hian a thlak a, Pu Durjya Dhan Chakma MNF in thlak lehin Term khat chhunga CEM palina niturin CEM nihna hi Pu Rashik Mohan Chakma hian a chelh nawn leh ta a ni.

CADC ah hian MDC seat 20 awmin tun dinhmunah Rorellai MNF ah an awmkhawm vek tawh.

CEM lakluh thar, Pu Rashik Mohan Chakma chuan thu sawiin, 'Sawrkar tha leh nghet tak din atum thu a sawi a, Autonomous District Council a Member zawng zawng Party khata awm awmchhun kan ni a, inpawh taka thawk hoin, enhran bik nei lovin rorelna kan kengkawh ang' a ti bawk.

Lawngtlai Bawrhsap Dr. Andrew H. Vanlaldika hoin Chawngte a, CHC thuneitute, Central YCA leh Central Mahila Samiti hruaitute an thukhawm.

October 14, Chawngte: Vawiin chawhnu lam khan Covid-19 vaccination chungchangah Lawngtlai Bawrhsap, Dr. Andrew H. Vanlaldika leh Medical aiawh Dr. Rinisha Chakma, Dr. Ujana Chakma, Pu C. Lalhruaitluanga DIPRO Lawngtlai, Rattan Kumar SDPO Chawngte, Prabin Chakma IPRO CADC, Dr. Jyotirmoy Chakma President Central YCA, Monika Chakma President Central Chakma Mahila Samiti, Chitta Ranjan Chakma Secretary MBA, Pu HC. Vanlalruatpuia President Central YLA, te CADC Conference Hall ah an thu khawm a, Chawngte Area a Covid-19 Vaccination pek chhuah chungchangah chak zawka hmalak a nih theihnan ruahmanna siam.

Medical team aiawh chuan Vaccine pek tur target a tangin 68% chu 1st Dose pek a nih tawh thu an sawi. Hri danna pek chhuah chak tawk loh chungchang a harsatna te an sawiho a, Medical team ten Covid-19 Vaccine pe chhuak tura an kal in, tlawmngai pawl hruaitute tel a, Vaccine lak pawimawh zia in zirtirna neih thin a tul thu an sawi a, Vaccine la tura in zirtirna Video clip siamin Hri dona kawngah tha taka thawk ho turin DC hian a sawm bawk a ni.

Sawrkar Pisa leh Bank khar tirin, MLA Pathum bang turin an phût.

October 01, 2021 Chawngte: Chhumkhum - Chawngte road monitoring huaihawtin kawng siam that hna thawh danah lungawilohna lan tirin Sawrkar Pisa leh Bank te khar tir a ni a, buaina engmah a chhuak lo. Monitoring Committee Chairman, Pu Lalramchuana chuan thu sawiin, 'kawng siamthat danah kan lungawilohna hi mizoram sawrkar hian ngaipawimawh se an duh  a, kan lungawina tur a awmloh chuan tun aia nasa hian hmalak zel tum a ni. Bialchhung mipui harsatna ngaihsak lotu, MLA, pathum, Lunglei South Bialtu MLA, Dr. K. Pachhunga te, Tuichawng Bialtu MLA, Dr. BD. Chakma te, Lawngtlai West Bialtu MLA Pu C. Ngunlianchunga te chu MLA an nih atangin bang turin an phut tlat a ni' a ti.

Vawiin a, Pisa kai tur danna ah hian NGO hrang hrang hruaitu mi 70 vel chhuakkhawm chuan Pisa hrang hrang leh Bank ah insem darh in pisa kai tur hi an dang a ni.