Bungrua engmah chuh hman lovin, nizan khan Chawngte ah In pahnih a kang ral vek.

March 15, Chawngte: Nizan khan Chawngte 'C' Kamalanagar - III ah In pahnih kangin bungrua engmah chuh hman lovin a kang fai vek. A kan ṭan lai hmutu ten Zan dar 6:30 vel anih thu an sawi a, Candle chhitna atangkang kai anih thu an sawi.

In kang hi Assam-type niin, B. Ashmi Chakma D/o. Kamaleshwar Chakma In hi a chhawng a ni a, In chung zawk atang kang ṭan nia hriat a ni a, B. Ashmi Chakma In hi chhungkaw pathum in inluah tawmin, Shiran Jit Chakma, Sanjib Chakma, Usha Devi Chakma ten an luah a, dawr an siam nghal bawk. pick-up (207) leh Maruti 800 a kang tel. heng thil kang ral ta te hi Rs. 40lakh hu vel anih an rin thu an sawi bawk.

A bul chuah In mal ding hi Pu Amit Kumar Chakma (CADC MDC ni lai mek) In a ni a, Ekbal Husein luah lai Two wheeler Workshop bungraw dah khawm nan an hman lai mek a ni. A bungraw kangralta hlutna hi Rs. 3 lakhs hu vel a nih a rin thu a sawi.

Lai Autonomous District Council, Executive Member, Pu HC Lalthawmliana hoin CADC Brick Industry tlawh.

March 11, Chawngte: Nimin khan, Lai Autonomous District Council Executive Member, Pu HC Lalthawmliana chuan, LADC Area ah Brick Industry din theih a ni ang em tih zirchianna neiin, Chakma Autonomous District Council a  Brick Industry a tlawh a.

Pu HC Lalthawmliana EM hi DCIO LADC, Pu Rinzuala leh a staff ten an zui a, CADC Executive Members, Pu Onish Moy Chakma, Pu Charan Singh Chakma leh staff ten CADC Rest House ah an lo dawngsawng.

Chakma Autonomous District Council enkawl lai Brick Industry hi CADC a Industry Department enkawl a ni a. LADC EM leh DCIO te hi, CADC a Engineer ten Brick Industry an kalpui dan leh an hmalak chhoh zel dante uluk tak leh chipchiar takin an hrilhfiah bawk.