Chakma District mipuite hi MNF sorkar chuan duhsak takin a enkawl zel dawn. 

– Pu Vanlalzawma, MNF Vice President

February 23, 2023: Vawiin khan Chawngtea MNF District Headquarter Office-ah MNF party zawm thar lawmluhna neiin MNF Vice President Pu Vanlalzawma chuan, ‘Chakma District mipuite hi MNF Sorkar chuan duhsak takin a enkawl zel dawn.’ a ti.

A sawi zelnaah Pu Zawma chuan, ‘Congress te, BJP te, ZPM pawh an ni ang, in vote chiah an duh a, MNF chuan in vote kan duh em em laiin nangmahni changkanna tura theihtawpa hmalak hi ati mek a, a ti zel dawn bawk a ni’ a ti. MNF Vice President, Pu Vanlalzawma hi General Secretary, Pu LT Kima, leh Pu Vanlalrawna te, Women front a tangin Pi K. Lalrengpuii te, MNYF Vice President, Pu Zodinpuia leh party hruaitu ten an tawiawm a, Chakma District MNF President, Pu Purno Chandra Chakma, Pu Rasik Mohan Chakma leh MDC ten an lo dawngsawng a, MNF Genenral Secretary, Pu LT Kima leh MNYF Vice President Pu Zodinpuia pawhin thu an sawi.