CADC Chief Executive Member Pu Rasik Mohan Chakma in Kamalanagar – V a School sakna tur leh Chawngte Bazaar kawngpui chhe lai a enfiah.

 

May 29, 2023: Chakma Autonomous District Council-a Chief Executive Member thar, Pu Rasik Mohan Chakma chuan nimin khan Kamalanagar-V School Building thar sakna tur a tlawh. Upper Primary School hi Backward Block Grant Fund, NEC scheme hnuaiah ₹ 29, 78, 772/- (nuai sawmhnih leh pakua sangsarih leh pariat sangsarih leh sawmsarih leh pahnih) senso tura chhut a ni. Chairman, Pu Kali Kumar Tongchangya, Kamalanagar North bialtu MDC Pu Porimal Chakma, Pu H. Amaresh Chakma, Ex-MDC ten an tawiawm a ni. Land & Revenue Staff te bakah PWD Department atanga Engineer te pawhin CEM hi an zui ve bawk.

 

School site visit a zawh hnuah CEM Pu Rasik Mohan Chakma chuan Kamalanagar main Bazar area-ah kawngpui chhia leh taxi parking area chhiat dan enfiah turin a kal nghal a ni. He lai hmun hi ruah a sur hlek a mipui leh Sumdawngte tan harsatna a thlen thin avangin CEM chuan concern department chu side drain te tifai turin a hriattir nghal a, siamthat ngai hna tul dangte pawh thawk turin a hriattir nghal a ni. Bazar area telin khawpui chhunga kawngpui te chu SATSCI (Special Assistant to State for Capital Investment) scheme hnuaiah ₹200,00,000/- (nuai za hnih) sanction tawh a nih thu sawilan a ni bawk. 

 

 

11^th Chakma Autonomous District Council, Session hmasa ber chu vawiin khan neih niin, CADC Chairman a tan Pu Kali Kumar Tongchangya pawm a ni.

 

May 26, 2023: Vawiin khan Chakma Autonomous District Council Session neiin, Chairman thlanna hun an hmang a, hun tiam chhunga chuhtu awm chhun Pu Kali Kumar Tongchangya 18-Fultuli Constituency atanga thlantlin chu Protem Chairman Pu Hiranand Tongchangya in CADC Chairman a tan apuanga lungrual takin an pawm.

 

Chairman puan a nih zawhin Protem Chairman chuan, Pu Kali Kumar Tongchangya chu Chairman thutnaah a thut tira, House Leader, CEM Pu Rasik Mohan Chakma in Chairman thutna thleng a kal pui.

 

CADC Chairman, Pu Kali Kumar Tongchangya chuan thusawiin, 11^th CADC rorelna sang kaihruai tura thlan chhuah a nih chu lawmawm a tih thu a sawi a, CADC lo kaihruai tawhtu hruaitu hmasate zahna chibai bukin, tun hnai maia an sun tak, Motor chesuala boral ta, Pu Mohes Boran Chakma leh Pu Charan Singh Chakma te, Mi kut tuara thi ta, Pu Amit Kumar Chakma te channa chu pawi a tih thu sawiin, sunna hun an nei nghal a ni.

 

Chairman chuan tun tum CADC ah hian MDC la ni ngailo mi 12 leh tawnhriat lo nei tawh min 8 te kan ni a, he term hian awmze nei leh hmasawnna kawng kan zawh ngei ka beisei a ni. chuvangin sorkar ti chaklo tur zawng a, inbeihna te thleng lo se a duh thu a sawi. House leader Pu Rasik Mohan chakma thu sawi tura sawmin member dang pawhin thu sawina hun an hmang bawk.

 

Tun tum CADC Session ah hian rorelna leh thu ngaihtuah tur chhawpchhuah a ni lo thung.

 

 Faina leh thianghlimna in zirtirna neih a ni.

May 25, 2023: Project Management Unit (PMU) Mizoram leh PHED Lawngtlai WATSAN Division, Lawngtlai tangkawpin vawiin khan Kamalanagar-III YCA Hall ah faina leh thianghlimna kawnga inzirtirna neih a ni a, Chawngte Block huam chhung khawtin atangin Watsan memberte an kal khawm.

Vawiina training neihah khawchhung faina leh thianghlimna kawnga hmalak dan te, Jal Jeevan Mission hmalaknaa In tina tui connection nei tura hmalakna hna thawh mek chungchang in zirtirna nei in, khawtin a Watsan Committee, VCP Chairman na hnuaia din chungchangte zirtir an ni. Chawngte Block huamchhunga khaw tin atangin Watsan member kal khawm ten an hlawkpui hle.

 

11^th CADC Chief Executive Member (CEM) a tan Pu Rasik Mohan Chakma chu rinawmna thu tiam tira lakluh a ni.

 

May 25, 2023 Chawngte: Chakma Autonomous District Council Inthlanpui neih zawh takah MNF Party chuan seat 10 lain Party dang atanga lut nen MDC 15 a nei ta a, Sorkarna siamin thawhleh ni khan MDC te lakluh an nih hnuah vawiin khan 11^th CADC Chief Executive Member (CEM) atan Pu Rasik Mohan Chakma chu Lawngtlai DC Pu David Lalthantluanga IAS aiawhin, Addl. DC Pu Abraham Beirazi Khithie MCS in rinawmna thu tiamtirin a lalut.

 

 

Vawiina CEM lakluhna inkhawmah thu sawiin, Pu Rasik Mohan Chakma chuan, “Duhsak tak leh rintlak nia ngaia MNF thlang tling tute hnenah lawmthu a sawi a, sorkar rintlak leh langtlang sorkar kalpui a nih theih nan hmalak a tum thu a sawi a, CADC Sorkar ngelnghet tak a nih theih nan te, Miharsa zawkte dawmkan kawngah te, zirna tha an neih theih nan theihtawp an chhuah dawn a ni a ti.

 

CADC CEM Pu Rasik Mohan Chakma hian vawiin khan a pisa luah lut nghalin, CADC MDC te leh Ex-MDC te pawhin an tawiawm thei a ni. The Chawngte times zawhna chhangin CEM hian CADC ah hian Zirna tha a awm theih nan zirna kalphung tha leh zirna In tha kan neih theih nan hmalakna hi ngaihpawimawh hmasak a aneih thu a sawi.

 

Pu Rasik Mohan Chakma 1-Borapasury a tanga thlantlin niin, MDC Term 6 na a chelh tan mek a, CEM hi tum 5 ni tawhin nihna pawimawh tak tak a chelh tawh bawk a, MLA pawh alo ni tawh bawk.

 

 

Chakma Autonomous District Council, 11na a Member of District Council a thlan tlinte lak luhna hun hman a ni.

May 23, 2023 Chawngte: Chakma Autonomous District Council 11na MDC a thlantlinte chu vawiin khan CADC Session hall ah Protem Chairman, Pu Hiranand Tongchangya in rinawmna thu tiam tirin a la lut. 

Protem Chairman, Pu Hiranand Tongchangya chuan 11th CADC a MDC ni tura thlan tlinte a lawmpui thu sawiin sawrkar tha tak din a, CADC hmasawnna kawng zawh pui turin a sawm a ni.

Vawiin tlai dar thum thleng khan CADC Chairman tur chuh theihna hun hawn a ni a, hun tiam chhunga chuhtu awm chhun Pu Kali Kumar Tongchangya 18-Fultuli Constituency atanga tlantlin chuan hming ape lut a, naktuk session ah chairman pawmna neih a ni ang.

 

 

Chakma Autonomous District Council, BJP President, Dr. BD. Chakma chuan vawiin khan President a nihna atangin banna a thehlut.

May 23, 2023 Chawngte: Chakma Autonomous District Council inthlanpui vawi 11na neih zawh takah BJP chuan hnehna an chan theih loh avangin, CADC BJP President Dr. BD Chakma, chuan an Party chet that loh chhanah mawhphurtu nia in ngaiin a nihna atangin vawiin khan Mizoram State BJP President hnenah banna a theh lut. 

{English} 

Dr. BD Chakma, District President of BJP CADC tenders his resignation from his post, taking moral responsibility for the party’s poor performance in the just concluded 11th CADC MDC General Elections, 2023.

11th CADC Chief Executive Member atan Pu Rashik Mohan Chakma chu pawm niin, Protem Chairman atan Pu Hiranand Tongchangya pawm a ni bawk.

May 23, 2023: Govt. Of Mizoram, District Council & Minority Affairs Deptt. chuan nimin khan thuchhuah siamin Chakma Autonomous District Council a MNF Legislature Party in duh taka an thlan, Pu Rashik Mohan Chakma 1-Borapansury atanga thlantlin chu CEM atan pawmpui a ni.

Pu Hiranand Tongchangya Damdep Constituency atanga thlantlin chu Protem Chairman a tan pawm a ni bawk.

Chakma Autonomous District Council, in thlanpui vawi 11na chu bial 20 ah inthlanna neih zawh a ni ta.

May 19, 2023: Chakma Autonomous District Council Inthlanpui vawi 11na chu neih zawh a ni ta a, bial 19 te chu may ni 11 ah result puan niin bial dang ruala inthlang theilo 15-Rengkashya bial result pawh vawiin khan result puan a ni.

Vawiin a result puan takah INC Candidate, Pu Doymoy Daveng Chakma chuan vote 713 hmuin Returning Officer,  Lawngtlai bawrhsap, Pu David Lalthantluanga chuan tlingah a puang a, certificate a hlan nghal.

15-Rengkashya ah hian candidate 3 awmin, tlinga puan tak Pu Doymoy Daveng Chakma hnai bertur Pu Prema Ranjan MNF Candidate chuan Vote 572 a hmu ve thung.

Heti hian 11th. CADC inthlanah seat 20 awmin seat la tam ber MNF in seat 10 a la a, INC leh BJP ten seat 5 ve ve an la thung. Chutih rual chuan BJP MDC 3 te leh INC MDC 2 te chuan an party atangin banna an thehlutin, MNF Party an zawm tawh a, heti hian MNF 15, INC 3 leh BJP 2 niin MNF in sawrkarna a siam dawn a, MNF Legislature Party leader a tan Pu Rashik Mohan Chakma an thlang chhuak tawh a, Chairman a tan Pu Kali Kumar Tongchangya a thlang chhuak tawh bawk.