‘Ka eiru lovang’

- Papuia ZPM Candidate

October 26, 2023: Lunglei South ZPM Candidate Pu Lalram-liana (Papuia) chuan ‘Ka eiru lovang’ tiin Chawngte ‘L’ a ZPM Campaign office hawnnaah a sawi.

 

Nizan khan Lunglei South Assembly Constituency huam chhunga Chawngte ‘L’ ah ZPM Party chuan campaign office hawnna inkhawm neiin, ZPM Unit President, Pu Lalhualzauva’n a kaihruaia, ZPM Official Candidate Pu  Lalramliana chuan thu sawiin, “Politics hi thlan tlinah chauh a innghat lova, thlantlin hnua hnathawhah a in nghat a ni ti. Pu Papuia chuan, ka ei ru lovang tih sawiin, member thar mi 20 a lawmlut bawk a ni.

 

Chawngte ‘L’ a ZPM Campaign office hawnnaah hian ZPM hruaitu pawimawh tak tak telin, Block President, Pu F. Lalmuanzova pawhin Block report pein thu a sawi a ni.

 Chakma tlawmngai pawl lian ber Young Chakma Association day hlim takin an hmang.

 

October 25, 2023: Chakma tlawmngai pawl lian ber Young Chakma Association (YCA) Din cham chu vawiin khan hlim takin an hmang.

 

Vawiin khan Central YCA office kawtah a hawnna hun hmangin Central YCA President kalchhuak ta, (Former President) Dr. Jyotirmoy Chakma chuan YCA puanzar a pawtpharh a, YCA te hi thawhhona tha tak neia khawtlang tan dikna nen ram leh hnam hmasawnna turin i thawk zel ang u, tiin a sawi.

 

Central YCA President, Dr. Jyotir Bikash Chakma kaihhruai inkhawm tawi neihah Donor Member 13 hnenah certificate an hlan bawk.

 

YCA Day hmang hian Branch hrang hrang ten khawlai tihfai hnatlangte neiin program tha takin an hmang thei a ni.

 

YCA hi kum 1978, October ni  25 khan din tan niin, Central Young Chakma Association khaikhawmna hnuaiah Zone 9, District Committee 1, Regional Committee 2 leh Branch 155 an nei mek a, member 16961 vel an awm mek a ram leh khawtlang hmasawnna tur te, mi harsate tanpuiin hun an lo hmang tawh thin a ni.