Mizoram Assembly inthlanpui neih zawh takah 36-Tuichawng bialah BJP te kan tlin ngei kan in beisei.

 

November 11, 2023: Vawiin khan CADC BJP te chuan an office-ah thuthar lakhawmtute kawmin Mizoram Assembly inthlanpui neihzawh takah BJP te chuan hnehna kan chan ngei kan in beisei an ti. Chakma District BJP President Pu Nirupam Chakma chuan inthlanna muanawm tak kan nei thei chu lawmawm a tih thu a sawi a, inthlan buaipuitu Election Commission of India te, District Elcetion Office a thawktute leh Police department te, thuthar thehdarhtute leh mipuite hnenah thinlung takin lawmthu ka sawi a ni a ti. Inthlanna avanga chhiat tawka nunna chanta, Pu Z. Lalmuanzuala chhungte kan tawrhpui tak zet a, pawi pawh kan ti hle a ni a ti bawk.

 

Tun tum inthlanpui neih zawh takah, mipuite duhsakna kan dawng nasa hle a, hnehna pawh kan chang ngei kan ring a ni a ti. 36-Tuichawng A/C a BJP Official Candidate Pu Durjya Dhan Chakma hian hnehna changin MLA a nih ngei kan ring tlat a ni a ti.

 

BJP Official Candidate, Pu Durjya Dhan Chakma pawhin thu sawiin, boruak muanawm tak hnuaiah inthlanna felfai tak kan neih theih avangin ka lawm hle a, min duhsaka min vote tute chungah pawh lawmthu ka sawi a ni. Bial mipuite duhsakna avangin MLA ka nih ngei ka ring a, CADC hmasawnna pawimawh tak kan neih theih nan theihtawp ka chhuah dawn a ni a ti.

 

 

 

MSU Headquarter Chawngte hruaitu ten, Medical Equipment thahmen tak CHC Chawngte ah an hlan.

 

November 9, 2023: Mizo students’ union, headquarters; Chawngte chuan vawiin khan Community Health Center (CHC) Chawngte ah Medical Equipment’s thahnem tak US Dollar 4800 approximate (India pawisa a Rs.400,000 man hu vel) a hlan. MSU General Headquarters: Aizawl chuan Project Cure, USA ( World Largest Medical Equipments Supplier ) atangin Mizoram chhunga raltlante leh Damdawiin hrang hranga a mamawhtute hnen a sem atan Medical Equipment’s thahnem tak an dawng a. MSU Chawngte pawhin CHC Chawngtea kan mamawh tur angte SMO Chawngte hnenah zawtin an mamawh turte MSU General Headquarters: Aizawl ah an dil a. An dilna te ngaipawimawh saka Medical Equipment thahnem tak MSU General Hqr’s: Aizawl atanga an dawng hi an lawm tak zet a ni an ti. Medical Equipment an dawn te hi vawiin khan CHC Chawngte-a SMO Dr. Andrew Khawlthangpuia kutah MSU headquarters; Chawngte President , Tv. Felix Lalnundawnga’n a lawm takin a hlan a ni.

 

CHC Sub-Divisional Medical Officer, Dr. Andrew Khawlthangpuia chuan damdawiin mamawh hmanraw  tha leh rotling tak, MSU hruaitute kaltlanga an dawng thei chu lawmawm a tih thu a sawi a, hmasawnna mai bakah damlo a mamawh tu ten tangkai takin an hmang thei dawn a ni a ti. MSU hruaitute hian X-Ray khawl dinhmun enfiahin damdawiin mamawh hrang hrang te an neih theih nan theih tawp chhuaha thuneitute hnenah thlen zel an tum thu an President, Pu Felix Lalnundawnga chuan sawi bawk.