Chawngte ‘P’ Thalai Pawl buatsaih, Half marathon race neih a ni.

 

December 22, 2023: Vawiin khan Chawngte ‘P’ Thalai Pawl te chuan Krismas lo thlengtur atan thalaite tihharhna turin Half Marathon 5KM a thui intlansiak an buatsaih a,  Thalai mi 19 inziak lut atangin mi 18 an tlan thei.

 

He intlansiakah hian Eliza Lahmudika Kum 17 chu pakhatna niin 18mins chhungin a tlan thleng thei a, Kum 19 a upa, J. Vanlalhluta chu Pahnihna niin 19mins ah a tlan thleng ve bawk a. Tin, Jeho Lalchengrenga Kum 18 a upa chuan 19.30mins a tlan thlengin Pathumna a hauh a ni.

 

Vawiin a thalai intlansiak zingah hmeichhia pakhat C. Lalremmuani chu telve in nihna erawh a hauh pha ta lo a ni.

 

Chawngte ‘P’ Thalai Pawl Vice President, Tv. Joseph Lalchhingpuia chuan, He Half Marathon race buatsaih chhan sawiin, Thalaite ruihhlo laka kan fihlim zel theih nan leh, taksa in sawizawi hi Taksa leh rilru hriselna atan thil tha tak a nih avang te leh hetiang lama tan kan lak uar zel theih nana buatsaih an nih thu a sawi.

 

Lawmman pakhatna hian Trophy leh sumfai Rs. 2000/- a kengtel a, pahnihna in Rs. 1500/-, Pathumna in Rs. 1000/- a ni.

 

 

Dg. Rasik Mohan Chakma, MLA and CEM, CADC inspects progress of under-construction Water Treatment Plant under Chawngte Rural Drinking Water Supply Scheme

 No.39/2023

 

Kamalanagar, 20 December 2023: Member of Legislative Assembly, 36-Tuichawng Assembly Constituency, Mizoram, and Chief Executive Member, CADC, Dg. Rasik Mohan Chakma, led a team of Executive Committee Members, MDCs and officials from PHE Department to the site of the Water Treatment Plant being constructed under the Chawngte Rural Drinking Water Supply Scheme at Sadarasuk on Monday. The purpose of the visit was to assess the current status of the project, which is expected to significantly improve the water supply in the Chawngte area. He was also accompanied by Dg. Nirupam Chakma, MDC and a prominent leader representing the opposition benches in the council.

 

During the inspection, the team meticulously examined various components of the water treatment plant, including the infiltration gallery, pump house, filter and chemical house, and reservoir. Dg. A. Bindulal Chakma, Junior Engineer from the PHE Chawngte Section, provided detailed technical explanations of the infrastructure and their respective functions. Dg. Rasik Mohan Chakma expressed his satisfaction with the progress made on the project.

 

The Chawngte Rural Drinking Water Supply Scheme is a significant initiative undertaken by the CADC authority under the leadership of Dg. Rasik Mohan Chakma and implemented by Public Health Engineering Department, Government of Mizoram with fund provision from National Bank for Agriculture and Rural Development (NABARD).  The project, initiated in January 2021 at a cost of Rs. 9 Crore, is on track for completion in March 2024. Once operational, the facility is expected to significantly alleviate the long-standing water crisis faced by residents of Kamalanagar town, including the Chawngte area. It will have the capacity to supply water to the residents for a minimum of 12 hours a day. The project also includes providing free water connections to the uncovered areas of Kamalanagar and Chawngte.       

 

Earlier on the day, CEM Dg. Rasik Mohan Chakma and his team visited the designated site for an education and community development project at Kamalanagar-VI. The land, donated by Dg. Birendra Bijoy Chakma of Kamalanagar-I, had been chosen for the establishment of a Middle School, an Anganwadi Center, and a Village Council House. Earth cutting and leveling of the site has already been completed.

 

 Published by: Information & Public Relations Department, Chakma Autonomous

                       District Council, Kamalanagar.

 

CADC sum tihchingpen thubuaiah Court in mi 8 thiam loh a chantir.

December 19, 2023: Kum 2018-a Chakma Autonomous District Council sum tihchingpen thubuai ah khatih hunlaia CADC CEM leh Executive Member, mi pariat thiam loh chantir an ni.

Aizawl District Court Special Judge (Prevention of Corruption Act) Dr. HTC Lalrinchhana chuan vawiin khan Court thutlukna hi a puang a, Court tarlan danin, kum 2003, February ni 14-a CADC MDC atanga ban, Buddha Lila Chakma in amah banna High Court-a a khing let hnuin, High Court chuan a banna hi kum 2008 May ni 5 khan hnawl sakin dan anga MDC-a a hlawh leh hlam te pe leh turin thupek a chhuah.

Hetihlai hian kum 2018 June ni 1 khan CADC CEM leh Executive member dang 8 te chuan, Buddha Lila Chakma an dan anga a hlawh leh hlam bak ah cheng nuai 49, sing 3, 1420/- dang pek chuan chu inthurual takin an rel thlu a, pek a ni zui ta tih a tarlang a, ACB te hnuchhuina atanga tarlan a nih danin Buddha Lila Chakma hian CADC dan anga a dawn theih chu cheng nuai 14, 03,494 a nih lai in a vaia pawisa an pek chu cheng nuai 63, sing 3, 4914 a nih thu a tarlang bawk a ni.

Court in thiam loh a chantir te hi hetih hunlai-a CADC a Chief Executive Member (CEM) Shanti Jiban Chakma leh Executive Member dang, Hiranand Tongchangya, Sanjeev Chakma, Kusum Lota Chakma, Onish Moy Chakma, Buban Kumar Chakma, Mohan Chakma leh Anil Kanti Chakma te an ni a, hetih lai hian hemi thubuai-a sum dawngtu ber Budha Lila Chakma chu kumin October ni 10 khan a thih avangin a thubuai tih tawp a ni thung a, hremna hi Court chuan naktuk chhun dar 12 ah a puang dawn a ni.

LAWNGTLAI DISTRICT STUDENTS' ASSOCIATION IN MLA PATHUM LAWMPUINA THUZIAK AN HLAN

Dt.15.12.2023 Zirtawp zan khan Lawngtlai District Students' Association hruaitute chuan Lawngtlai District atanga MLA atana thlantlinte Pu.C.Ngunlianchunga, Pu.Rasik Mohan Chakma leh Dr.Lorrain Lalpekliana Chinzah te chu Aizawl a an residence ah theuh MLA atana thlantlin an nih lawmpuina thuziak an hlân.

LDSA hian Lawngtlai District atanga MLA atana thlantlin pathum te hi party bil bik sawi lova, Lawngtlai District in zirna kawnga hma asawn theih nan thawhpui atan an sawm a. Lawngtlai District a sorkar school Science zirna awmchhun Govt. Higher Secondary School Lawngtlai a thawktu indaihlohna leh thildang thawmthat angaihna a thawm that a tul thu leh, Lawngtlai District a  Elementary Education in hma asawn theih nana Baseline Assessment neih a tul thu te an sawipui a ni. Heng bakah hian LDSA hruaitute hian MLA pathum te hi, Lawngtlai District chhunga Autonomous District Council pahnih CADC leh LADC hnuaia hna lak thin ah nepotism awm ni a an hriat chungchangte sawipui bawkin, zirlai ten an thiamna phu hna fair taka District Council hnuaia an hmuh theih nana theihtawpa hma laksak turin an ngen bawk.

Lawngtlai District atanga MLA atana thlan tlin pathumte hian, Lawngtlai District Students' Association chu Lawngtlai District in zirna kawnga hma asawn theih nana an thawhna kawngah, an thlawp tlat tur thu an lo hrilh a. LDSA aiawhin MLA pathumte hi, LDSA Treasurer Saidingpuii leh Fin.Secy Stephen K Lalfakawma ten lawmpuina thuziak an hlan a ni.

Zoram People Movement Party ah CADC MDC 8 in hming an pelut.

December 15, 2023: Vawiin khan Chakma MDC 8 ten Chakma District ZPM zawmin CDZPM Sr. Vice President, Pu LH. Ramthangliana leh hruaitu dangten an lo dawng sawng.

Chakma District ZPM Office Kamalanagar ah vawiin khan  MDC nilai, BJP atangin mi 5, Pu Parimal Chakma, Pu Sanjeev Chakma, Pu Ajoy Kumar Chakma, Pu Hiranand Tongchangya, Pu Amit Bayan te, MNF atangin pahnih Pu Kali Kumar Tongchangya, Pu Santosh Chakma, INC atangin pakhat Pu Doymoy Daveng Chakma te leh MNF atangin Ex-MDC pahnih ten ZPM an zawm thar a ni.

MDC, ZPM zawm tharte hian CADC ZPM Legislature Party siam in Pu Doymoy Daveng Chakma chu Leader atan an thlang nghal a, Dy Leader atan Pu Parimal Chakma niin, Secretary atan Pu Santosh Chakma an thlang bawk a, Pu Amit Bayan chu Treasurer atan an thlang bawk.

ZPM zawm thar zinga an Leader Pu Doymoy Daveng Chakma chuan ZPM chu Mipui sawrkar, Kal phung thar a nih angin Chief Minister Pu Lalduhoma chu rintlak leh policy tha tak nena sawrkar a kaihruai thei dawn niin kan hria a, CADC ah hmasawnna awm tur hian ZPM hi kan zawm ta a ni a ti.

11th Chakma Autonomous District Council thlasik thutkhawm chu vawiin khan neih a ni.

December 15, 2023: Chakma Autonomous District Council 11 na Thlasik thutkhawm chu vawiin khan tan a ni a, Deputy Chairman, Pu Sundar Muni Chakma in rorel a kaihruai.

Deputy Chairman in Chairman nilai Pu Kali Kumar Tongchangya banna athehluh a chhiar chhuak.

Vawiin thlasik thutkhawmah hian CADC MDC, CEM Chairman leh nihna pawimawh tak tak lo chelh tawh, Pu Buddha Lila Chakma kumin October ni 10 a boralta sunna an nei a, House Leader, CEM Pu Rasik Mohan Chakma, in Pu Buddha Lila Chakm nihna chelh tawh leh a hnathawh hrang hrang te a tarlang a, CADC tana min tangkai tak kan chan ta hi pawi a ti hle a, a kalsan tak a chhungte a tawrhpui hle tih a sawi. Opposition Leader Pu Nirupam Chakma, Executive Member Pu Kalasoga Chakma, Executive Member Pu Lakhan Chakma ten uina thu an sawi bawk.

Zawhna leh chhanna hun hmang chhunzawmin, Pu Nirupan Chakma, Pu Hiranand Tongchangya, Pu Doymoy Daveng Chakma hnen atangin starred question 4 leh unstarred qiestion 9 a lut a ni.

Baptist Boarding School Chawngte chuan kum 50 an tlinna Golden Jubilee ropui taka lawmin BCM AGS i/c Mission Rev. Dr. R. Lalthanmawia'n a hmanpui.

December 14, 2023: Baptist Boarding School chawngte chuan kum 50 tlinna Golden Jubillee ropui takin lawmna hun an hmang a, nizan khan he hun hi hmang tanin, BCM hruaitute AGS I/c Mission Rev. Dr. R. Lalthanmawia, Rev Lalremsiama Ralte, F. Lalrammawia ten an hman pui. 

BBS Golden Jubilee lawmna hun hmang tur hian BBS a zirtirtu lo thawk tawhte leh zir chhuak tawhte hmun hrang hrang atangin an fuankawm a ni.

Nizan khan lawmna hun hmang tanin Chakma Mission Director Rev. Dr. C. Lalruatthanga'n kalkhawmte lawmna thu a sawi a, Rev. Dr. R. Lalthanmawia'n Jubilee lung hawngin, Souvenir a tlangzarh a, chibai bukna leh thuchah a sawi bawk. Chawngte Civil SDO, Pu Lalneihthanga Colney chuan Jubilee lawmpuina thu sawiin, CADC Arts & Culture te pawhin hnam lam an entir bawk.

Vawiin lamah Zirlai te pualin intih hlimna hun hman a ni a, zan lamah Jubille lawmna inkhawm nei lehin, Rev. Lalremsiama Ralte in thuchah a sawi, CADC Chief Executive Member, Pu Rasik Mohan Chakma pawhin thu a sawi.

Baptist Boarding School hi kum 1973 January ni 20 khan Vaseitlang din niin, 1984 ah Chawngte a sawn a ni a, tun dinhmunah KG atangin Class 10 thleng a awm a, Zirlai 506 awmin zirtirtu leh thawktu dang 17 an awm mek a ni.

 LAWMTHU SAWINA

 

9th Mizoram Legislative Assembly General Election 2023 chu buaina leh harsatna awm lovin tluang takin kan zo thei ta a. Election kan nei dawn tih kan hriat atanga theihtawp chhuaha inbuatsaihna lokalpui tang tang tu Election Officer leh a staff te chungah lawmthu ka sawi a. An inpekna leh thawhrimna zarah tluang tak leh tha takin inthlan kan hmachhawn thei hi a lawmawm tak zet ani.

 

Inthlanpui a lo awm hian District  Election Office a thawkte chauhvin kan buaipui thei hauh lova. Sorkar Department hrang hranga Officer leh staff te puihna tel lo chuan engmah kan ti thei hauh lova. Kan District kan vanneihna em em chu Autonomous District Council pahnih a thawktu Officer leh staff eng emawzatin Election thil tul pawimawh hrang hrang ah min pui thei zel hi kan vanneihna leh mualpho lova election kan hmachhawn thei thin hi ani. Mizoram Sorkar hnuaia sorkar pisa a thawktu Officer leh Staff te, Lai Autonomous District Council leh Chakma Autonomous District Council a Officer leh staff te inpekna a ropui in a hlu tak zet a. Anni   zarah Lawngtlai District ah 9th Mizoram Legislative Assembly General Election 2023 tluang tak leh felfai taka kan nei thei hi an chungah lawmthu  ka sawi ani.

 

Venhimna lam thawktu SP Lawngtlai leh Lawngtlai District Police te thawhrimna a hlu ka tiin, Election tluangtaka a kaltheih nan a kawng hrang hranga vitu Observer te inpekna leh thawhrimnate, chanvo hrang hrang neiten hnehtaka an hlenchhuahna vang liau liauin inthlanpui tluangtaka zofel thei kan ni.

 

Political party hrang hrang te, Candidate leh anmahni buaipuitu Agent hrang hrangte pawh Election chungchangah engtik hunah pawh ko ila, an rawn tel thei zel te, thawktute nen an inkarah harsatna engmah awm lova inthlanpui kan hmachhawn thei te hi a lawmawm tak zet ani.

 

Inthlanpui tluangtaka kan neihtheih nana theihtawp chhuahtu Lawngtlai District a Tlawmngaipawl hrang leh Kohhran hrang hrangte inpekna a hlu ka tiin, Election chungchang ah mipuite hnena hriattur tul pawimawh hrang hrang puanzar kawng ah pawh Lawngtlai District chhunga thuthar thehdarhtute District Election Office te nen thawhhona tha tak kan nei thei a. District Information & Public Relations Office a thawktute leh Mizoram Journalist Association, Lawngtlai District member te chungah pawh thinlung takin lawmthu kan sawi ani.

 

A tawp berah chuan inthlanna  thianghlim leh felfai, hlawhtling tak kan neih theihna tura Vote thlaktu Voters  te chungah lawmthu kan sawi e.

 

 

Sd/- JOSEPH H.LALRAMSANGA

District Election Officer,

Lawngtlai District, Lawngtlai.