Chawngte-ah India Republic Day ropui taka hman a ni

 

January 26, 2024: Vawiin khan India Republic Day vawi 75 chu ropui taka lawman hman a ni a, khuallian Pu Lalneihthanga Colney, SDO (C) Chawngte chu khuallian niin ram puanzar a pawtpharh. Vawiina Republic day lawman hi Kamalanagar playground ah hman niin, College NCC leh School contingent pariat te an tel thei a, CADC leh State sorkar mipawimawh tak tak te an tel thei.

 

Khuallian SDO (C) Pu Lalneihthanga chuan thu sawiin, kum 2022—2023 chhunga sorkar hmalakna langsar tak tak te a sawi chhuak a, PWD, H&FWD, School Education department, Social welfare department, Public Health Engineering Department,  Power & Electricity department, Food & Civil Supply, leh CADC atanga ram leh khawtlang hmasawnna hrang hrang hnathawh te a tarlang a ni.

 

Non Food Security Act (NFSA) hnuaiah AAY ah chhungkaw 481 awmmin, PHH ah 17498 an awm mek a, Non NFSA ah hian chhungkaw 8737 an awm mek a ni a ti. Rural Development Dept. hnuaiah MGNREGA in hlawhna kalpui mek a ni a, Chawngte RD block ah hian Job Card 13797 awmin April, 2023 -January 2024 chhungin Rs 2,78,271,693/- chu an account ah khung fel a ni tawh a ti. Constitution siamtu, Dr. B. R. Ambedkar leh India ram hruaitu ropui Mahatma Gandhi, Jawaharlal Nehru, Sardar Patel te an inpekna avanga India chu khawvel ram ropui ber pawla siam tute kan hre reng a ni a ti. Khuallian thusawi tam zawk chu power supply khailak avangin mipui kalkhawm ten an hrethei lo chu a pawi tak zet a ni.

 

 

 

 

 

Eklavya Model Residential School, Chawngte chuan National Voters Day an hmang.

 

NEWS : January 25, 2024: Vawiin khan Ramchhung hmundang ang bawkin, Eklavya Model Residential School, Chawngte chuan National Voters Day an hmanga, EMRS Principal, Pu Lalhrezuala  Fanai chuan zirlaite hnenah Democracy nihphung leh vote thlak hlutna te a sawi a, zirlaiten, thu tiam an sawi rual a, “Keini India mipuite hian democracy-ah rinna nghet tak neiin kan ram democracy kalphung leh zalenna, felfai leh muanawm taka inthlanna zahawmna vawng nung zel tur leh, inthlan apiangah hlau lo leh sakhaw ngaihtuahnain a nghawng lova vote thlak vek turin kan tiam a ni. hnam, chi, khawtlang, tawng emaw, inducement eng emaw pawh ni se".

             EMRS Chawngte hi kum 2020 khan din tan niin, Student capacity 480 ah tun dinhmunah zirlai 150 an awm mek a, class tina seat Capacity hi naupang 30 niin mipa 15, Hmeichhia 15 a ni. 2024 – 2025 hian class XI Arts stream hawn belh a ni dawn a ni.

 Sawrkar laipui hmalakna kal mek in hrilhhriatna hun an hmang

 

 

NEWS: January 18, 2024: Sawrkar Laipuiin khua leh tui te tana ruahmanna chi hrang hrang a duan VBSY chu Lawngtlai District Chawngte RD Block huamchhung khua-ah ngawrh takin kalpui mek zel a, Health Department, RD Department, Gas Agency, Sorkar laipui hmalakna hrang hrang thawktu aiawhten mipui kalkhawmte hnenah an Department in Central Programme leh Scheme an kalpuite hrilhhriatna an nei a, zawhna leh chhanna hun te an hmang nghal a ni. VSBY Travel Plan a lan dan in Janury ni 16 atang khan an thawk chhuak tawh a, January ni 26 thlengin Chawngte RD Block huam chhung leh Chawngte ‘P’, Hmunlai, Mualbu ‘L’ leh Chawngte luiah te hun an hmang dawn a ni. Sawrkar laipui hmalakna leh nihphung inzirtirna chu India khua leh tui chuan chiang taka an hriat theih nana puanzar mek hi khawtlang mipui pawhin na hlawkpui hle niin an sawi.