Lok Sabha Inthlanpui 2024,  36-Tuichawng biala duty tur Polling Official te training neih a ni.

 

March 27, 2024 : Vawiin khan Lok Sabha inthlanpui 2024 neih turah Lawngtlai District, 36-Tuichawng Constituency a polling official duty tur te chu, Kamalanagar Public School ah, Chawngte SDO (C) Pu Lalneihthanga Colney hoin training neih a ni.

 

Vawiina Training ah hian PRO tur mipa 57 leh hmeichhia 2 mi 59 te, APRO tur mipa 51 leh hmeichhia 3 mi 54 te, PO tur mipa 142 leh hmeichhia 34 mi 176, Polling official te hi an vaiin mi 289 an ni.

 

Lawngtlai District, 36-Tuichawng bialah hian polling station 70 awm zingah hmeichhe hlang duty-na tur (all women managed) polling station 4 a awm dawn a, ṭhalai hlangin inthlan an buaipuina tur (all youth managed) polling station pakhat ruahman a ni bawk a, model polling station-a cheibawl tur polling station pakhat ruahman a ni bawk. 36-Tuichawng bialah hian voter 36044 an awm mek a ni.

 

 

 

11^th Chakma Autonomous District Council, Chairman thar a tan Pu Mohan Chakma, Parva bialtu MDC chu chuhtu awm lova tlinga puan a ni.

 

March 27, 2024: Vawiin khan CADC Session Hall-ah 11th Chakma Autonomous District Council Chairman thar atan 20-Parva MDC Constituency, atanga thlan tlin Pu Mohan Chakma, chu chuhtu awm lova tlinga puan a ni. Nikum December ni 15 a, Chairman hlui Pu Kali Kumar Tongchangya a ban hnu khan Mizoram Governor chuan March ni 21 khan Chakma Autonomous District Council Chairman thar thlan hun tur a lo hriattir tawh a. Notification bawhzui leh CADC Rule 1 (Constitution, Conduct of Business, etc.), Rules 2002-a Sub-Rule (1) angin CADC Deputy Chairman chuan nomination paper thehluh hun leh inthlan hun tur a hriattir a ni. Parva bialtu MDC Pu Mohan Chakma chauh chuhtu awmin uluk taka enfiah a nih hnuah pawm a ni a, chuvangin CADC Rule 31 (Constitution, Conduct of Business, etc.), Rules 2002 hnuaia tarlan angin Chairman a tan thlan a ni.

 

Chairman atana thlan thar hian charge a lak hnuah House leader leh member-te hnenah lawmthu a sawi a, a bial mipuite leh amah duhsaktute chungah lawmthu a sawi bawk. Chubakah, tuna Executive Committee-te chu a rintawk thu a sawi bawk a, rorel kaihhruai chuangchangah neutrality vawn reng a tum thu a sawi.

 

House Leader Pu Rasik Mohan Chakma, CEM, CADC & MLA, Mizoram chuan thu sawiin Chairman thar lawmpuina thu a sawi a. House a rorelna kalpui danah Chairman-in mi dangte thliar hranna neih loh a pawimawh thu a sawi. Kum 1972-a Chakma Autonomous District Council din a nih aṭanga house a awmdan mawi vawn nun dan phungte tarlangin, Pu Mohan Chakma chu a rintawk thu a sawi bawk. Mizoram Legislative Assembly chu remna zawnga rorelna kalpui a nih avangin khawvela Assembly kalpui tha ber zinga mi a nih thu leh mi zawng zawng tana entawn tur tha tak a nih tur thu a sawi lang. Pu Rasik Mohan Chakma chuan khawvel puma Chakma cheng zawng zawngte hnenah Bizu chibai bukna a hlan a ni.

 

Executive Committee aiawhin Executive Member Pu. Kalasoga Chakma, bakah MDC Pu Hemanta Larma chuan te chuan Chairman thar lawmpuina thu an sawi bawk.

 

PRESS RELEASE

 

No.B.02/MSU - RHQ/ 2023-25/34

Dated Lunglei, the  13th March 2024

 

Dt 13th March 2024 (Nilai ni) chhun dar 12:00 noon  khan Mizo Students Union (MSU) Regional Headquarters' Lunglei Hruaitute leh MSU Headquarters' Chawngte  hruaitute chuan MSU Headquarters; Chawngte Pisa ah Central Young Chakma Association hruaitute nen inkhawm ho na hun an nei. Inkhawm hi Pu Steven Lalramtluana, President Hqrs Chawngte, chuan a kaihruaiin, Pu Lallianpuia President Regional Headquarters leh Shadan Chakma CYCA General Secretary ten thusawina hun an nei.

 

 

MSU Regional Headquarters: Lunglei President,Pu Lallianpuia chuan,CYCA te chu MSU thawhpui a Bangladesh atang a dan lova Mizoram lo lut Chakma (Illegal Migrants) te chu CYCA hruaitu chu anlo en zui leh ven pui a, a tul ang a hma turin a chah a,  Chakma Helpawl thawmthang te pawh a ranglam a enfiah turin a chah bawk a, Bangladesh a dang atang a kan unau raltlan tepawh an hmuamchhung a mi a nih ang ngei a, lo tuamhlawm zel turin a chah bawk a ni.

 

Pu Shadan Chakma CYCA General Secretary chuan thusawi in, MSU ten an ngen ang ngeiin hma an lak tur thu leh, Chakma Helpawl-te pawh an theih ang tawk a an zirchian tur thu sawiin, Bangladesh a kan unau rawn raltlante pawh chawmdawlna an lo pek tawh thu leh an mamawh ang a chhawmdawl zel an tum thu a sawi bawk a ni.

 

 

Sd/-

 

(LALTHANGLIANA)

Secretary

MSU Reg. Hqrs.Lunglei