Lawngtlai District Students’ Association leh District Legal Services Authority te tang kawpin Legal Awareness neih a ni.

 

April 25, 2024; Nimin khan Lawngtlai District Students’ Association leh District Legal Services Authority Lawngtlai te tang kawpin Community Service Centre Chawngte ‘P’ ah Legal Awareness neih a ni a, CADC hruaitu pawimawh te an tel.

 

LDSA Founder, Moses Lalvenhima kaihhruai Legal Awareness programme ah hian Lawngtlai District CJM Pi Jothansangi Tlau in dan leh hrai in zirtirna hun a hmang a, CADC Executive Member Pu Supreme Raj Chakma in thusawina hun a hmang bawk a, CADC MDC Pu Hemonta Larma in a tawiawm.  

 

Legal Awareness chawhnu programme ah hian CADC Chairman in hun hman puiin, Chawngte khawchhunga zirlai te engemaw zat an tel thei a, Nimin khan School 7 zirlai te kal khawmin, naktuk hian chhun zawm a ni ang a, School 4 zirlaite leh khawtlang hruaitute tel tura beisei an ni bawk.

 

 

Chhimthlang Badminton Kutpui an hman mekah Club 7 an tel.

 

April 25, 2024: Chhimthlang Badminton Kûtpui chu Nilaini khan Chawngte-ah ṭan a ni a, Naktuk Inrinni ah a tiak ang. Nilai ni chaw-hnu lam khan Kamalanagar - III Community Hall ah Chhim-thlang Badminton Kûtpui hawnna in khâwm buatsaih a ni a, Chakma Autonomous District Council Chairman, Pu Mohan Chakma, chu khuallian niin a hman pui a, MDC, Pu Hemanta Larma, chu khual zahawm a ni bawk.

 

Chhimthlang Badminton Kutpui hian chhimthlang a khaw hrang hrang Tlabung, Lungsen, Chawngte leh Bunghmun te huamin, badminton lam tui mi club 7 atangin player 122 zet ten inelna an nei dawn a ni.

 

 

Chakmna te hunpui Bizu Miloni chu Kamalanagar-ah ropui taka hman a ni.

 

April 15, 2024: Bizu Miloni, 2024 chu Chakma Autonomous District Council-a Kamalanagar-ah April ni 12 atanga ni 14 thleng neih a ni a. Ni thum chhung awh he hunah hian Chakma khawtlang nunphung ropui tak takte pholan a ni. State level-a Bizu Celebration hmasa ber chu nikum khan Rajiv Nagar, Mamit district-ah neih a ni.

Kumin hian ni khatna “Ful Bizu” hawnna inkhawmah hian Chakma Mahila Samiti president hmasa ber, Pi Mallika Chakma chu Khuallian niin, zirtirtu pension tawh leh social worker lar tak Tipperaghat, Lunglei District a awm Pu Chandra Kumar Chakma, chu khualzahawm atan hman a ni. He programme-ah hian MLA, Pi Prova Chakma, pawhin a hmanpui bawk. Ni hnihna “Mul Bizu” ah hian Special Guest atan Dr Buddha Dhan Chakma, Ex-Minister, hman niin, ni thumna “Gojjya Bizu” ah hian CADC Executive Secretary, Pu Pronit Bikash Chakma, kaihhruai programme ah Pu Rasik Mohan Chakma, CEM, CADC leh MLA te bakah a thawhpui Executive Member leh MDC ten an tawiawm.

 

Ni thum chhung awh he hunah hian Chakma hnam lam leh hla te, Chakma te ei leh in thin leh an hnam rohlu tha tak tak te pholan a ni bawk.