Chawngte ‘P’ ah ruihhlo do kawngzawh neih a ni.

 

October 25, 2024: Vawiin khan Lawngtlai District, Chawngte ‘P’ah Village Level Task Force on Ruihhlo Do bultumin ruihhlo do kawngzawh neih a ni a, Chawngte ‘P’ mipui leh zirlai te an pungkhawm.

 

Vawiin kawngzawh hi VLTF on Ruihhlo Do Committee Chairman, Pu C. Lalhmunmawia’n kaihruaiin, Village Council Vice President, Pu Lalhmunzauva’n thu a sawi. Mipui leh zirlai pung khawm te chuan ruihhlo hi Ram leh hnam, khawtlang hmelma a nih thu au rualin khawlai an fang a ni. Tin, ruihhlo dona thuziak poster siam tha zual mi panga te hnenah lawmman sem nghal a ni bawk.