11^th CADC Sorkar tlu mekah sorkarna siam thei an la awm lo.

 

December 12, 2024: Chakma Autonomous District Council sawm pakhatna chu nimin CADC thlasik thutkhawma namthluka awmin, Nikum ni May ni 25 a CEM a tana lakluh Pu Rasik Mohan Chakma chu rintawk lohna Motion hmanga paihtlak a ni.

 

Vawiin khan CADC a MDC pariat Pu Lakkhan Chakma, Pu Sundor Muni Chakma, Pu Molin Kumar Chakma, Pu Ananta Bikash Chakma, Pu Montu Chakma, Pu Kalasoga Chakma, Pu Supon Chakma leh Pu Sanjib Chakma te chu BJP Office Kamalanagar, Chawngte ah lawmluh an ni a, Chakma District President, Pu Durjya Dhan Chakma Delhi a zin hlan a nih a vangin District Vice President, Pu Doyal Chandra Dewan chuan MDC lawmluhna hun a hmang a ni.

 

BJP party lamah MDC 8-te lakluh a nih tak avangin tunah hian member 20 awmna CADC-ah hian BJP hian member 9 a nei ta a, ZPM in member 10 neiin, MNF in member 1, an nei a, sorkarna siam thei an la awm lo.

 Chakma Autonomous District Council, Thlasik thutkhawm ni hmasa berah Chief Executive Member, Pu Rasik Mohan Chakma chu No-Confidence Motion hmanga paihthlak a ni.

 

December 11, 2024: Vawiin khan Chakma Autonomous District Council, thlasik thutkawm tanin Chief Executive Member Pu Rasik Mohan Chakma chu No-Confidence Motion hmangin Chief Executive Member, CADC a nihna aṭangin paihthlak a ni.

 

He motion hi eptu member, Pu Doymoy Daveng Chakma, CADC in pulutin (Constitution, Conduct of Business, etc.) Rules, 2002 Rule 84 (1) hnuaiah thlan tlin member 18 awm leh vote thlak zingah member 9-in motion thlawp zawngin vote an thlak a, member 8-in motion an dodal thung. Session-ah hian member thlan tlin pahnih Pu Nirupan Chakma leh Sanjib Chakma te an hna thil avanga hmundanga a awm avangin an tel lo a ni.

 

11^th CADC ah a tum khat nan hruaitu inthlak a thleng a, CADC ah hian Elected Member 20 awmin MNF member 14, ZPM 5, BJP 1, an awm mek a, CEM paihthlak tura motion thlawptu zingah MNF Member pawh an tel a ni.