Thursday, May 18, 2023

CADC, 15-Rengkashya Constituency ah tluang taka inthlanna neih niin, 93.13% vote a tla.

 


May 18, 2023: Chakma Autonomous District Council (CADC) Inthlanpui, 2023 buatsaiha constituency dang ruala inthlan buatsaih theih lohna, 15-Rengkashya MDC Constituency-a polling station 3-ah te nimin khan boruak muanawm tak hnuaiah tluang takin vote thlak zawh fel a ni.

Rengkhasya bial hi Returning Officer, Lawngtlai Bawrhsap Pu David Lalthantluanga chuan ṭhut chilhin, polling station pathum te a tlawh kual a. Assistant District Election Officer Pu Abraham Beirazi Khitie leh Assistant Returning Officer, Chawngte SDO (Civil) Pu Lalneihthanga Colney te'n an ṭawiawm a ni.

Rengkhasya MDC Constituency-a polling station pathum zingah, Rengkashya Polling Station-a vote awm zawng zawng 618 (mipa 322 leh hmeichhia 296) aṭangin vote 576 (mipa 310 leh hmeichhia 266) a tla a, chu chu 93.20% a ni a. Futsury Polling Station-a vote awm zawng zawng 478 (mipa 256 leh hmeichhia 222) aṭangin vote 438 (mipa 240 leh hmeichhia 198) a tla a, chu chu 91.63% a ni a. Lukkisury Polling Station-a vote awm zawng zawng 315 (mipa 174 leh hmeichhia 141) aṭangin vote 300 (mipa 171 leh hmeichhia 129) a tla a, chu chu 95.24% a ni a. Bial pum puiah vote awm zawng zawng 1,411 (mipa 752 leh hmeichhia 659) aṭangin vote 1,314 (mipa 721 leh hmeichhia 593) tlain, 93.13% vote tla ang a ni.

Ruahman lawk dan chuan, Rengkashya MDC Constituency-a vote tlate hi May ni 19, 2023 (Zirtawpni) khian Chawngte SDO (Civil) Office Complex-ah zing dar 8:00 aṭangin chhiar a ni ang.






Tuesday, May 16, 2023

15-Rengkashya Constituency inthlanna Polling Station pathuma duty tur tirhchhuah a ni.

 


May 16, 2023: Chakma Autonomous District Council Inthlan ruala in thlang theilo 15-Rengkashya Constituency chu May 17, 2023 Nilaini khian inthlanna neih a dawn a, hemi tana inbuatsaihna zawng zawng peihfel tawh niin, tukin khan Polling Station pathuma duty turte chu Chawngte Civil SDO pisa atangin Returning Officer, Lawngtlai Bawrhsap, Pu David Lalthantluanga IAS chuan inthlanna felfai leh tluanga taka neih a nih theih nan duhsakna hlan chungin a vai liam ta a ni.

Tarlan tawh thin angin 15-Rengkashya Constituency ah hian voter hmeichhia 782 leh mipa 659 awmin vote awm zawng zawngin hi 1411 a ni a, naktuk zing dar 7 atangin vote thlak tan a ni ang.

Monday, May 15, 2023

 11th CADC MDC inthlan thawhhnihna Rengkhasya Constituency chuh tura hming pelutte inhnukdawk an awm lo.

May 15, 2023: State Election Commission in thuchhuah a siam angin, 15-Rengkhasya biala inthlanna neih tur a tan vawiin chhunlai thleng khan chuh tumte in hnuhdawh theihna hun hawn a ni a, Party aiawh hming pelutte in hnukdawk an awm lo. He ti hian 15-Rengkhasya Constituency in thlanna May ni 17 a neih tur a tan, Candidate pathum an awm dawn a ni. MNF Candidate Pu Prema Ranjan Chakma, leh INC Candidate Doymoy Daveng Chakma leh BJP Party Candidate Pu Sukrity Chakma te  chuan he bial hi an chuh dawn a ni.

Asst. Returning Officer, Pu Lalneihthanga Colney hnen atanga thudawn danin, Naktuk hian Rengkhasya biala Polling Station pathum a duty turte tirh chhuah an ni ang.

15-Rengkhasya Constituency ah hian Polling Station pathum awmin, 15/1-Rengkhasya Polling Station ah voter 618 a awm a, 15/2-Futsury polling Station ah voter 478 awmin, 15/3-Lokhisury Polling Station ah Voter 315 a awm bawk. Bial pumpuiah Voter hmeichhia 782 leh mipa 659 awmin Vote awm zawng zawngin hi 1411 a ni. May ni 4 zana mi kut tuara boral ta Pu Amit Kumar Chakma chuan he bial hi Term hnih chhung a lo enkawl tawh a ni.

 

Friday, May 12, 2023

NEWS: State Election Commission in thuchhuah a siam angin vawiin khan Rengkhasya biala ding turin Pu Sukrity Chakma (BJP) in nomination a file.

 


May 12, 2023: State Election Commission in thuchhuah a siam angin, 15-Rengkhasya biala inthlanna neih tur a tan vawiin chhawhnu dar thum thleng chuh tum tan hming pek luhna hun hawn a ni a, BJP official Candidate a tana an rawt, Pu Sukrity Chakma chuan Asst. Returning Officer, Pu Lalneihthanga Colney hnenah hming a pe lut a, he ti hian 15-Rengkhasya Constituency in thlanna May ni 17 a neih tur a tan, Candidate pathum an awm dawn a ni. MNF Candidate Pu Prema Ranjan Chakma, leh INC Candidate Doymoy Daveng Chakma te chu endikna paltlang tawh an nih avangin he biala ding tur hian pawm nghal an nih thu Asst. Returning Officer, Pu Lalneihthanga Colney chuan Chawngte Times a hrilh.



 

Wednesday, May 10, 2023

Chakma Autonomous District Council inthlanpui vawi-11 na chu tluang tak neih zawh a ni ta.

May 10, 2023 : Chakma Autonomous District Council inthlanpui vawi-11 na chu tluang tak neih zawh a ni ta a, MDC bial 20 awmin bial 19 ah inthlanna kalpui a ni thung. Tarlan tawh thin angin Rengkhasya Constituency a BJP Candidate tualthihna avangin Rengkhasya bialah inthlanna kaltlangpui a ni lo. Bial 19 a vote awm zawng 34474 atangin vote 32321 a tla a, 93.75% in vote an thlak a ni. Chhotapansury bial a Nakdarasora poling Station ah vote tla tha berin vote awm zawng zawng 261 ah 260 tla in, 99.62% vote a tla a ni. Vote tlak that lohna ber Parva bial a Parva - III poling station-ah Voter 231 awmin vote 175 a tla a, 75.76% vote a tla thung.

 

Chawngte 'P' Village Council By-Election tur atan vawiin khan mi pali in hming an pelut. November 12, 2026 : Lawngtlai District, Cha...