Community Health Centre Chawngte bultumin Covid-19 Vaccine pek chhunzawm a ni.
June 30, Chawngte: Vawiin khan Hmunlai ah Covid-19 Vaccine pek niin hetiang hi a dinhmun chu a ni.
18 - 44 Years
1st dose - 129
2nd dose - NIL
45 - 59 Years
1st dose - 5
2nd dose - 52
60+ Years
1st dose - 1
2nd dose - 9
Total :
1st dose - 135
2nd dose - 61
Grand Total : 196
Vial hmanral zat : 18
Hri danchah a nih theih na tura hmalakna kal zelah Sawrkar mi pawimawh te, VLTF leh tlawmngai pawl hruaitute SDO (C) Conference Hall ah inrawnkhawmna an nei.
June 27, Chawngte: Vawiin a in rawnkhawmna hi Civil SDO Dr. Manesia Khaimeichho in a kaihruai a, inkhuahkhirhna khauh taka kalpui a nih theih nan VLTF ten tan la thar leh turin an rel, Executive Duty te nen tha taka thawkho in, kar khatah ni thum (Thawhtanni, Nilaini, Inrinni) chakkhai lam hun atan hetiang hian ruahman a ni.
Tul bik a zintur emaw, road permit pek tur reng reng VLTF hriatpuia pek chhunzawm tura tih a ni a, Tun meeting a tang hian hrikai thar reng reng Home Isolation a enkawl tawh lovin, CCC ah emaw, 4C hnai berah dah luh tur a ni ang.
Covid test neia positive te, mahni ke haw an awm thu meeting ah hian sawilan a ni a, khawtlang tan a him tawk lo a ni tiin, Medical Ambulance leh Sawrkar lirthei remchang hman tura buatsaih nise an ti.
Chawngte - Diltlang road PMGSY sum hmanga siam, thawmthat hna thawh mek chu YLA Sub-Hqrs. Chawngte hruaitu ten an enfiah.
June 26, Chawngte: Chawngte to Diltlang road, PMGSY sum hmanga siam, thawmthat hna thawh mek a ni a, he kawng chungchangah hian kawng tha an neih theih na turin YLA Sub-Hqrs Chawngte chuan hma lain a vil thin a, tuna thawmthat hna thawh mek-ah pawh hian Sub-Hqrs huam chhung, YLA Hmunlai branch, New Hmunlai branch, Mualbu 'L' Branch hruaitu ten an vil zui reng bawk.
Vawiina an hnathawh danah YLA Sub-Hqrs Chawngte hruaitute thu dawn bawhzuiin a hmunah enfiah a ni a, hnathawktute sawi danin GSB hnawng (huh) leh Cement chu chawhpawlh a chhun hian khawl hmanga nemmuk awlsam zawk ni in an sawi. YLA Sub-Hqrs hruaitute chuan an hnathawh tawh chu enfiahin hetianga tih hi athat tawk loh zia an finfiah a, tui nena chawhpawlh a, a dan dik taka Cement te chawk a, kawng thawmthat hna hi thawk turin a ngen nghal a ni.
PRIMEX NET, CHAWNGTE
Internet chak leh rintlak, Unlimited Broadband Chawngte ah an pe chhuak leh thei ta. Office, dawr leh mimal tan pawha tha leh internet hmanga sumdawnna khawih thin tan pawh hman tlak a ni e.
Hrechiang duh tan heng a hnuaia hming leh Phone No. tarlanah hian zawh fiah theih a ni e.
J.Nemsanga
8730071745
PC.Lalduhzuali
8132911555
Rualalung Branch YMA ten Chawngte 'L' khawtlang tan chawhmeh chi hrang hrang an pe.
June 22, Chawngte: Chawngte 'L' ah hian tunhnai ah Covid-19 positive 30 hmuhchhuah a ni a, chhungkaw engemaw zat hrikai nena inhnaih te, Home quarantine an ni bawk a, hetianga Chawngte 'L' khawtlangin harsatna an tawh te phuhru turin YMA Rualalung Branch te chuan nimin khan chawhmeh zawn hnatlang an nei a, henga an hmuh leh an thlai tharchhuah hrang hrang te thawh khawm in, Sumfai Rs. 2000/- nen vawiin khan Chawngte 'L' VLTF hnenah an hlan a ni.
Mizoram ah ASF avangin Vawk 7008 an thi tawh.
Chawngte June 20: Covid-19 hrileng thawh hnihna avanga nunphung khaihlak karah, kut hnathawktu ten khawsak inrel bawlna tura ran vulh lamah theih tawp chhuah a, chhungkaw thenkhat an fate zirna chhunzawmna tur leh, chawngkaw mamawh hrang hrang phuhru thei tura an suangtuahna te chuan awmzia reng a nei thei ta lo. AH&Vety. Dept. chhinchhiah danin Mizoram a Vawk hri lenna hmuna puan atangin ASF avangin vawiin khan Vawk 47 thih belhin ram pumah Vawk 7008 a thi tawh a, a chhan hriat loh, Vawk 327 thi tawha chhinchhiah a ni.
Lawngtlai Bawrhsap, Dr. Andrew H. Vanladika chuan, Lawngtlai District chhungah Vawk leh Vawksa hmanga siam reng reng lakluh a khap a, Ui, Zo-Ar, leh ran dang te pawh, khaw lai leh ramah khuahkhirh loh tlat tir a khap tlat a ni. He thu chhuak zawm lova man te chu dan anga hrem theih an ni ang. Thu leh a awmlo a nih chuan he thupek hian June ni 16 atangin thlahnih chhung a awh dawn a ni.
Lunglei South Bialtu MLA, Dr. K. Pachhunga'n a bialchhung Chawngte 'L' tlawhin hri leng avanga harsatna an neih te a enpuiin tanpuina a hlan.
June 19, Chawngte: Vawiin khan Lunglei South bialtu MLA, Dr. K. Pachhunga chuan a bialchhung Chawngte 'L' tlawhin, Tanpuina sumfai cheng singkhat, leh PPE Suit 5, Eitur - Buhfai, Alu, Tel, Hmaituamna leh damdawi ṭhahnem tak 4C a hman atan a hlan.
Bialtu MLA, Dr. K. Pachhunga chuan, Hrileng avangin chhungkaw khawsak harsa chhuancham kan awmloh na turin leh an harsatna te sutkian a nih theihna theihtawp chhuaha hmalak zel a tum thu a sawi a, harsatna an neih ang ang te, englai pawha thlen turin a chah nghal a ni.
Chawngte 'L' ah hian tunhnai ah Covid-19 positive 18 hmuhchhuah a ni a, chhungkaw engemaw zat hrikai nena inhnaih te, Home quarantine an ni bawk a, Chawngte 'L' High School chu Community Covid Care Centre (4C) atan enfiah leh pawm ni tawhin khum 20 awm thei tura ruahman a ni a, an veng chhunga Positive Chawngte 'C' lama enkawl mek te pawh 4C ah hian lak phei an ni.
Midang tan malsawmna ni turin Chawngte Area Branch YMA ten, YMA day an hmang.
June 15, Chawngte: Ramchhung hmundang ang bawkin Chawngte Area a, YMA Branch hrang hrang te chuan midangte tanpui nan leh khawtlang tan thiltha tiin YMA Day hi an hmang.
Chawngte Times in a zawhkual naah, Chawngte 'P', Chawngte 'L', Chawngte 'C', Saizawh West, Mualbu 'L', Rualalung branch te chuan hrileng laka inveng fimkhur tak chungin, Thingphun hnatlang te, veng chhung tihfai leh an branch chung tanpui ngaite tanpuina an pe a, zirlai titha chawimawiin, pianphunga rualbanlo te tanpuiin, Covid-19 dona kawng VLTF tha tih chakna turin tanpuina an pe a, Chawngte Covid Care Centre ah te tanpuina an hlan bawk.
Chanchin kimchang zawkin Chawngte Times Youtube Channel ah tarlan a ni ang.
Green Mizoram Day pualin Young Lai Association Mualbu 'L' Branch te hnatlangin thing an phun.
Young Lai Association Mualbu 'L' Branch chuan Chawngte 'L' forest range atanga thingtiak lain, vawiin khan an khawchhung hmun remlai leh an tui tlan hnar lamah thingphun hnatlang an thawk a, thingtiak chi hrang hrang, Ngiau, April, Thlado leh thing tiak dang te phun in, thing chi thahnem tak an theh bawk.
He hnatlang ah hian, Banarus Hindu University (Department of Phisics) Asst. Professor thawk lai, Dr. Krista Roluahpuia pawh tel in, YLA President, Pu M. Lalnunmawia chuan 'Kan thingphun te hi, mahni taksa anga ngaiin a puitlin theihnan enkawl chhunzawm zel atul thu sawiin, YLA hian mawh i la zel ang u' a ti a, vawiin hian thing tiak 130 vel an phun thei a ni.
Lawngtlai District, Karlui-I ah Covid 19 Positive 146 hmuhchhuah a ni.
June 11, Chawngte: Lawngtlai District Magistrate Dr. Andrew H. Vanlaldika'n Hrikai zawnchhuah hna chakzawk a thawh a nih theih nan a June ni 8 a Containment Zone a puan, Karlui-I ah nimin khan Covid 19 Positive 65 hmuhchhuah a ni.
Lawngtlai atangin Medical Team, Dr Elsadai Lalbersiama leh Dr Zonunmawia leh thawktu dang bak ah, Bungtlang South atangin, Dr Johny bak ah Sample Collection Team ten Karlui-I hi thlengin, Nimin khan Sample 306 enfiah niin heng zinga mi 65 te chuan Covid 19 hri an kai tih finfiah an ni a, Vawiin hian hrikai zawnchhuah hna hi thawh chhunzawm niin, Sample 372 endik ah mi 81 hri kal tih finfiah a ni.
Heng hrikai hmuhchhuah na Karlui -I ah hian chhungkua 260 vel an cheng mek a, thenkhat chu chhungkua a hrikai te niin, a remchandan in an mahni In ah khung hran an ni a, 4C ah te engemawzat dahluh anni. Medical Team te hmantur Motor pahnih chu LADC Sawrkar chuan a ngaihtuah sak bawk.
Miharsa te tan Kohhran, pawl, mimal te pawh an luang chhuak zel.
BCM Bethel Saizawh West te chuan an khaw chhunga, chhungkaw khawsak harsa te ei tur bufai bag 6, VLTF hnenah hlanin chhungkaw 30 hnenah sem a ni a, an khaw thenawma Chakma chhungkaw 16 hnenah buhfai sem a ni bawk a, Arotinagar ah pawh Buhfai bag 5, leh VLTF te hman a tan Rs. 1000/- BCM Bethel Kohhran aiawhin VLTF Chairman, Pu V. Lalthangzuala'n a hlan bawk.
Chawngte 'P' VLTF te pawhin Mimal, Pawl leh Kohhran atanga tanpuina a dawn te hmangin Chhungkaw 23 hnenah sumfaiin a sem chhuak a, chhungkaw 149 hnenah eitur an pe bawk a ni, Chawngte 'P' VLTF hian Relief in-charge nei in, chhuancham an awmlohna turin an vil reng a ni.
June 4, Chawngte:
- OmegLR
Vawiin khan CADC Deputy Chairman atan, Pu Anil Kanti Chakma chu thlan a ni.
Chakma Autonomous District Council, Deputy Chairman kal chhuak ta, Pu Mohesh Boran Chakma in April ni 21 a banna a thehluh hnu ah vawiin khan chuhtu awm lovin, Pu Anil Kanti Chakma chu Deputy Chairman atan thlan tlin a ni.
CADC Deputy Chairman a tana thlan tlin, Pu Anil Kanti Chakma hi 4-Bajeisora MDC Constituency a BJP Candidate a thlantlin niin MNF Party a zawm tawh a, MDC a tan hian term hnihna a hmang mek a ni.
Vawiin Deputy Chairman thlanna hi Covid-19 hrileng laka fimkhur taka inveng chungin, Lawngtlai DC remtihna nena buatsaih a ni.
PRESS RELEASE
NO. 2021/24E
CEMCADC pays on the spot visit of fire accident
Kamalanagar, 05 June, 2021: Dg. Durjya Dhan Chakma, CEM, CADC accompanied by his colleague Dg. Lakhan Chakma, Executive Member, CADC i/c Relief & Rehabilitation, etc. visited the place of fire accident to assess the extent of damage caused. The accident took place last night at around 3 am in the bazar area of Kamalanagar town leaving two houses razed to the ground and causing partial damage to nearby buildings.
The cause of the fire is yet to be ascertained which has originated from the house of Mrs. Snehadini Talukdar who runs a restaurant in the house. The fire raged so fast that the four tenants living in the house could not salvage anything.
The AJR Hardware shop owned by Dg. Anulal Tongchangya is the other casualty who have suffered a huge loss. It is estimated that hardware goods worth about Rs.70 lakhs was destroyed in the accident.
The inferno left three two wheelers parked on the road side completely burnt.
The CEM, CADC announced emergency relief of Rs.15,000 to each of the house owners, Rs.10,000 to each of the tenants and Rs.5,000 to each of the owners of the two wheelers out of CEM Relief Fund.
Published by Information & Public Relations Dept., CADC
International Literacy Day 2024, Mampui a hmannaah LADC Executive Member i/c. Education (M) Pu Andrew Laltlanzara chu khuallian niin a hma...
