Covid-19 avangin Baby Chakma chu ZMC ah a thi.

August 22, Jamersury : Vanduaithlak takin Baby Chakma kum 13, Jamersury (Serlui) chu Covid-19 avangin a thi a, July ni 30 khan hri a kai tih hriatchhuah niin, theihtawp chhuaha enkawl ni mahse, a nunna an chhan thei ta lo a ni.

YLA Mualbu 'L' Branch te hrileng avang harsatna  tawh mek sukiang turin an luangchhuak.

August 12, Chawngte : Vawiin khan hrileng avanga harsatna tawk mek, hrikai ten eitur an neih theihna turin YLA Mualbu 'L' Branch te chuan hrikai enkawlna hmun, Chawngte 'P' 4C ah leh Hmunlai 4C ah eitur chawhmeh chi hrang hrang thahnem tak leh tuah thing an pe a, mi tlawmngai ten lirthei thawhchhuakin Pic-up pakhat, Car pakhat leh Two wheelers te hmanga pek a ni a, Chawngte 'P' leh Hmunlai 4C lam thuneituten lo dawng sawngin, YLA Mualbu 'L' Branch hnenah lawmthu an sawi a ni.

Lawngtlai West Bialtu MLA Pu C.  Ngunlianchunga'n CHC Chawngte ah test kid a hlan.

August 12, Chawngte : Vawiin khan Lawngtlai West Bialtu MLA, Pu C. Ngunlianchunga chuan Community  Health  Centre Chawngte a hman atan, Hrikai enfiahna RAgT kids 600 a pe a, MLA hi Home quarantine lai a nih avangin aiawhin Pu HC. Lalengkima leh Party hruaituten damdawiin thuneitute hnenah an hlan a. Damdawiin thuneitute chuan MLA Pu C. Ngunlianchunga hnenah lawmthu an sawi a ni. 

MLA hian CHC Chawngte hi sumfai in a tanpui tawh bawk.

Zirna lama hmasawnna a awm theih nan YMA Chawngte 'L' Branch Kumpuan comt. in hma an la.

August 10, Chawngte : Hrileng karah CAB tha taka zawm chungin, Young Mizo Association Chawngte 'L' Branch, kumpuan Committee te chuan an khawtlanga zirna lam hmasawnna a awm theihnan hma lain, pawl sawm zirlai te hnenah zirtirna an pe.

YMA run Chawngte 'L' ah hian pawl 10 zirlai te nikhata  subject khata zelin nitin zirtirna pek a ni a, hri avanga Online a class kal thin heng zirlai te hian Internet athat tawk loh avanga zirna lama an hnufual lohna tur a tangkai hle a, Pawl 12, leh BA te pawh huapzo thei turin ruahmanna an siam mek a ni.

Kum 90 a upa, Pi Laituahziri chu Covid-19 hri kai tih hriatchhuah a ni a, Nizan khan a boral.

August 10, Chawngte : Vanduaithlak takin Nizan dar 7:40 khan Pi Laituahziri (kum 90) Pu Lawizuama nupui Chawngte 'P' chu Covid-19 avangin a thi.

Pi Laituahziri hi August ni 4 khan an nupa in hri an kai tih hriatchhuah a ni a, kum lama upa an nih avangin an chenna inah enkawl an ni a, tar chaklo a nihtawh avanga nikhaw hrelova awm thin a ni. CAB tha taka zawm chungin tukin zinglam dar 10 khan vuiliam a ni ta a ni.

MIZO ZIRLAI PAWL SUB-HEADQUARTER'S CHAWNGTE

PRESS RELEASE

Tahrik ni 10.Thițin thla. 2021 (Thawhlehni) dar 11:00 Am.   khan MZP  Pisa Chawngte 'C'  hmunah  țhutkhawm hmanhmawh neih a ni a, Mizoram leh Assam ramri buaina avanga Chawngte area a hnamdang (Vai) pawnchhhuah khap chungchang ah tahrik Ni.  9th  Thițin thla. 2021 ațanga  ahmalakna  Vai pawnchhuah khap chungchang chu tiamchin awm lo in tarik ni 10. Thițin thla. 2021 Tlai 5:00 Pm  atangin tih tawp nise tiin a rel a ni.

MZP chuan, hnamdang (Vai) pawn chhuak lo tur leh chhawr lo tura khawtlang  mipuite hnena ngenna siama ahmalakna zawnah khawtlang NGO  hrang hrang te leh Khawtlang Mipuite thlawpna țha tak mai  dawnga hlawhtling taka hma alak theihna zawnah  thinlung takin lawmthu asawi a, he hmalakna kaltlang hian  MZP chuan  Chawngte area a cheng (Vai)  Hnamdang te'n  nakin zelah pawh hawihhawm nachang an hriat zelna atan te, an chenna leilung hi Mizote ram a nih zia  anchian thar leh zualna  atan hmang se ati hle a  Chutihrual chuan, Khawtlang mipuite pawhin hun lo kal leh zel turah pawh kan In luah anni emaw, Vai hnathawka kan chhawr țhîn kan khawtlanga chengte chu  ILP an nei em, tihte leh dik takin an hmang em, tih ngaihven a hriatpui zel turin khawtlang mipuite a ngen nghal bawk a ni.Hemi chungchangah hian MZP pawhin  ațul anga hmalakna akalpui zel dawn bawk ani.

MZP chuan ramri-a buaina athlen chungchang a Assam-in Kawng danpin an ching ziah leh kan Mizo unau ten hnamdang (Vai) kut thlawn an tuar ziah hi na a tiin a dem takzet a tunțum  Ramri a  kan  buaina hian Mizo Mipuite rilruah ram leh hnam hmangaihna thuk zawk a tuh nasa hle niin ahria a MZP chuan lawmawm a ti hle a ni.. Chutihrual chuan, he buaina hian keini Mizote hi intodelh kan ngaih zia leh  ram dangte tan pawh a kawng engemaw tal a an innghahna tlak  ni thei tura tumruhna,  taimakna leh chakna min petu leh hmalam kan  pan zelna tura chakna min petu lo ni se ati hle a ni.

          

'Tanrual hi chakna'

Sd/- Vanlalrawngbawla

Secretary

MZP Sub-Headquarter's, Chawngte.

Vawiin atanga thu leh awm hma chu hnamdang (vai) pawn chhuah khap a ni.

August 09, Chawngte : Mizo Zirlai Pawl, Sub-Hqrs. Chawngte chuan, Mizoram leh Assam State inkara buaina kal zelah thuchhuah siam in, Silchar a tangkhang Mizo Mizoram pana lo haw te, Lailapur Vai hoin dimna tel miah lova kut an thlakna chu an dem hle tih an thuchhuah ah an tarlang a, hemi chungchangah MZP Sub-Hqrs Chawngte chuan Chawngte huamchhung hnamdang Vai awmten palh thil awm thei laka an him zawk nan Vawiin atangin thu leh awm hma chu hnamdang (Vai) dawr hawn leh hnathawh te, pawnchhuah te a khap a, thuchhuah zawmlo leh pawn chhuak lui an awm anih chuan an chungah engpawh thleng se mawh an phur lovang tiin thuchhuah an siam a, an thuchhuah bawhzui hian an duty bawk a ni.

MzSRLM Lawngtlai District hnuaia a Chawngte 'P' Self Help Group, Village Organization (VO) te an luangchhuak.

August 09, Chawngte : Vawiin khan Lawngtlai Dist a MzSRLM Lawngtlai block huamchhung Chawngte 'P' Village Organization (VO) te chuan Chawngte 'P' hrikai enkawlna hmun 4C  tanpui na turin, Vice President, Pi Remliani'n Rs. 5000/- a hlan a, 4C lam hotu ten an lo dawn a ni.

Chawngte 'P' Village Organization ah hian Self Help Group 20 awmin khawtlang tan thil tha tiin hun an hmang tawh thin a, Hri dona kawnga VLTF tha tichak turin Rs. 2000/- an lo hlan tawh bawk.

Longpuighat  Primary Health Centre ah Doctor dah turin Health Minister Dr. R. Lalthangliana an ngen.

August 03, Longpuighat: Lawngtlai District CADC Area a awm Longpuighat, Zonal Young Chakma Association te chuan Longpuighat a Primary Health Centre (PHC) luah theih a peifel tawh ah hian tih puitlin a, Doctor dah thuai turin Health Minister, Dr. R. Lalthangliana an ngen a ni.

July ni 13 khan PHC tih puitlin a nih theihna tura ngenna siam tawh in, he building hi Community Covid Care Centre a tan hmangin, Nurse 1 leh Health worker 2 ten an enkawl a, An thuchhuaha tarlan angin, Longpuighat Area ah hian CADC MDC Constituency 10 awmin, sumdawnna kawngah pawha an pan khawmna hmun a nih angin Damlo tamtak pan khawm theihna tur a ni a, Longpuighat leh a chhehvel khua ah hian 2019 Village Population of CADC a lan angin, chhungkaw 6772 vel awmah mihring 25940 vel an awm a, heng mipui ten damdawi lam inenkawlna tha an dawn theihna tur in Medical Doctor hi a rang theih ang ber a, dah an phut a ni.

Kum tinin naupang Sikserh, pumna, leh khawsikpui vanga boral te, Nu Nau chunga thi te, Damdawi in panpui laia thi te an awm thu tarlan a ni bawk.

He an thuchhuah hi ngaipawimawh a, arang theih ang ber a, tih hlawhtling a nih theih nan Health Minister Dr. R. Lalthanglian leh Mizoram sawrkar an ngen a ni.

Chawngte a zirlai ten Internet that loh vangin harsatna tawk.

August 04, Chawngte : Tun laiin Internet athat loh avangin Chawngte a zirlai online a class kal ten harsatna nasa tak an tawk a, heng an harsatna tawhte sutkian a nih theih nan Mizo Students' Union, Hqrs. Chawngte te chuan Service provider (Airtel leh Jio) te hnenah ziakin an harsatna te an thlen a, "Hrileng avanga Online a zirna kalpui a nih avangin zirna lamah kan hnufual phah hle dawn a ni." an ti.

Chawngte ah hian BSNL, JIO leh AIRTEL service te hi, online class kalna tur a tan a hmantlak loh em avangin, Network tha an neih theih na turin hma laksak turin MSU Hqrs. Chawngte hruaitute chuan Service provider te an ngen a ni.

Lunglei District, New Lungrang ah hrikai mi 94 an tling tawh.

August 03, New Lungrang : Lunglei District, New Lungrang ah hian CHC Chawngte atangin Medical Team kal ten Covid - 19 test vawiin khan an nei a, Sample 90 endik zingah hrikai mi 31 hmuhchhuah a ni.

New Lungrang ah hian July ni 24 khan Test runpui neih a ni tawh a, vawiin a test te nen hian Sample 266 endik tawh in hrikai 94 hmuhchhuah a ni tawh a ni. New Lungrang Branch YMA Secretary hnen atanga thu dawn danin, Tundin hmunah hian hri laka fihlim (dam) an la awmlo.

Hrikai enkawl lai te eitur zawngin an fehchhuak.

August 03, Chawngte: Vawiin khan Chawngte 'P' 4C a hri kai enkawl lai te eitur chawhmeh zawngin YMA Chawngte 'P' Branch a, Section pahnih, Khuangchera Section leh Zampuimanga Section te ram lamah chawhmeh zawngin an fehchhuak a, Mautuai, Tumbu leh chawhmeh dang thahnem tak an la khawm. Chawngte Times zawhna chhangin YMA President, Pu PL. John Maryan chuan, "Section paruk te hi Section pahnih te te a, inkawp in nikhat dan zelah chawhmeh zawn hnatlang hi neih tum a ni" a ti.

Chawngte 'P' Community Covid Care Centre ah hian July ni 5 atangin hrikai enkawl tan a ni a, 4C (LADC Rest House) pakhat ah an len tawh loh avangin Govt. High School chu 4C a hman chhunzawm a ni a, tun dinhmunah hrikai 30 enkawl mêk a ni a, hrikai hmuhchhuah tawh zawng zawng mi 46 atangin mi 16 te chu dam taka chhuahtir an ni tawh bawk.

4C a damlote enkawl na tur hian Chawngte 'P' VLTF hnuaiah 4C management Comt. dah a ni a, Pawl, Kohhran, mimal tlawmngai te thawhkhawm sum atangin enkawlna pek an ni. 4C pahnih enkawl tur hian mi tlawmngai pahnih ve ve dah an ni a, eirawng bawl tura inpe ten mahni inlum chhuah sanin an riak lut bawk.

BCM CHAWNGTE WEST PASTOR BIAL HRUAITUTE 

Rev. Vanlalkima khiangte, Bialtu Pastor (Chawngte a lo thlen ni. July 02, 2021)

Bial thar hawn ni : July 20, 2021

BCM Biak In Shalom

ADHOC PERIOD

BIAL PUIPA

Chairman :  Upa M. Lallura - New Salem

Chairman Elect : Upa K. Rotlinga - Saizawh 'W'

Secretary : Upa C. Ngurlianngaia - New Salem

Asst. Secretary : Upa V. Rangdothanga - Horeb

Treasurer : Upa V. Lalramsanga - Saizawh 'W'

Asst. Treasurer : Upa J. Nemsanga - Chawngte 'C'

MISSION  COMTT:

Chairman : Upa Lalsiamliana - Saizawh 'W'

Vice chairman : Upa A. Mawiliansanga - Chawngte 'C'

Secretary : Rbt. M. Rodingliana - Horeb

Asst. Secretary : Rbt. Lalrinthanga - Chawngte 'C'

Treasurer : Rbt. Samuel Rodinsanga - Saizawh 'W'

Asst. Treasurer : Rbt. K. Vanlaltluanga - New Salem

Comtt'member te:

Upa Lalkhupzuama - New Salem.

Rbt. Lalengkima - Horeb.

SUNDAY SCHOOL COMMT:

Chairman : Upa. H. Lalchhawna - New Salem

Vice chairman : Upa. V. Zolianthanga - Horeb

Secretary : Upa. K. Lalnghakliana - Saizawh 'W'

Asst. Secretary : Rbt. Z. Vanlalhruaia - Horeb.

Treasurer : Rbt. Vanlalpianga - Chawngte 'C' 

Asst. Treasurer : Rbt. Ronghakliana - Saizawh 'W'

Comtt'member te:

Upa. LH. Ramthangliana - Chawngte 'C'

Upa. K. Ramsanga - New Salem.

WORSHIP COMTT:

Chairman : Upa. Lalsailova Hrahsel - New Salem

Vice Chairman : Rbt. V. Lalmuansanga - Saizawh 'W'

Secretary : Rbt. Laldinmawia - Horeb

Asst. Secretary : Rbt. John V. Laltansanga - Saizawh 'W'

Treasurer : Rbt. N. Lalthamuan - Horeb

Asst. Treasurer : Rbt. A. Lalzarliana - New Salem.

Committee Member te:

Upa James VL. Hriatpuia - Chawngte 'C'

Rbt. K. Biakmuana - Chawngte 'C'

TKP

President : Rbt. K. Lalramenga - New Salem

Vice President : Rbt. Laldinmawia- Horeb

Secretary : Pu Omeg Lalramkinlova - New Salem

Asst. Secretary : Tv. Jonah Malthangpuia - Saizawh 'W'

Treasurer : Pu V. Lalnunmawia - Saizawh 'W' 

Fin. Secretary : Nl. A. Vanlalawmi - Chawngte 'C'

Sr. Advisers : Upa Lalkhupzuama - New Salem

BKHP

President : Pi Ngenchiali - Saizawh 'W'

Vice President : Pi Lawmkimi - New Salem

Secretary : Pi Lalzarliani - Saizawh 'W'

Asst. Secretary : Pi Lalsangpuii - Chawngte 'C'

Treasurer : Pi Hrangnguri - New Salem

Fin. Secretary : Pi Zonunkimi - Horeb

Sr. Advisers : Upa T. Chawiliana - Horeb

BMP :

President : Rbt. Lalengkima - Horeb

Vice President : Rbt. PC. Lalnunkima - New Salem

Secretary : Pu M. Lalhuliana - New Salem

Asst. Secretary : Pu V. Lalbiakrema - Saizawh 'W'

Treasurer : Pu Joseph K. Vanlalsawma - Saizawh 'W'

Fin. Secretary : Pu T. Lalrinliana - Horeb

Sr. Adviser: Upa V. Lalsiamliana - Saizawh 'W'