Vaseikai leh Longpuighat inkalpawhna tur lei dawh mek a chim

April 7, Vaseikai : Nimin tlai dar 5:30 vel khan Lawngtlai District Vaseikai leh Longpuighat inkalpawhna lei dawh mêk chu a chim.

Tuichawng lui chunga lei chu a hlui deuh tawh avangin a bulah chiah hian kumin January thla atang khan lei thar dawh tan a ni a, lei chim lai hian hna hi la zawh loh, a ruhrel chiah la dawh a ni.

Longpuighat khawtlang hruaitute sawi danin, Longpuighat lama lei dotu pakhat zawk hi a chhia a, hei hian a chunga a za phei titliakin lei hi a bung ta a ni. anti.

Lei chim lai hian a thawktu mi paruk awmin, pali chu lui lamah an tla a, pahnih chu an tla lo hlauh.

Lei atanga tla palite hi BSF Camp Vaseikaiah hruai an ni a, an zinga pakhat hliam na deuh Hasar Ali S/o Achar  Uddin 25 yrs, Chandigarh Assam chu Lawngtlaiah phurh chhoh a nih hnuah a thi.

Lei thui zawng hi feet 100 vel a ni a, lui atanga a san zawng hi feet 40 bawr vel a ni. He thu buatsaih lai hian Lei chhim chhan chiang taka hriat ala ni lo.