Lawngtlai Bawrhsap, Amol Srivastava IAS hoin Chawngte 'C' Kamalanagar khawtlang hruaitute an thu khawm.

June 10, 2022 Chawngte: Vawiin khan Chawngtea sawrkar mi pawimawh thenkhat leh khawtlang hruaitute koh khawmin Lawngtlai Bawrhsap Pu Amol Srivastava IAS hoin SDO (Civil) Conference Hall-ah an thukhawm.

Bawrhsap, Pu Amol Srivastava chuan Lawngtlai bawrhsap a a awmin Chawngte a lo kal vawikhatna a ni a, Chawngte khawtlang harsatna lian deuh deuh leh a ngaih pawimawh chu, Kawngpui tha lote, Kawlphetha nei tha lote, In biakpawhna lam tha tawklo chu pawi a tih thu a sawi. 

PWD aiawh lo kalte hnenah kawng siam that hna an thawh dan leh ruahmanna an siam te copy peve turin a hriattir nghal a, Civil SDO hoin Village Disaster Management Committee din theuh tura tih a ni bawk.

Chawngte 'C' khawtlang hruaitu, Young Chakma Association aiawh te, Central Mahila Samiti aiawh leh zirlai pawl aiawh te pawhin thu sawiin, Police Department indaih lohna te, Damdawiin lama thawktu indaih lohna te, Radiographer (X-ray technician) kum hnih zet an neih tawh loh thu leh, an harsatna hrang hrang te an thlen bawk a ni.

Chakma Autonomous District Council, Chief Executive Member atan Pu Buddha Lila Chakma lak luh a ni.

June 9, Chawngte: Vawiin khan 10th Chakma Autonomous District Council, Chief Executive Member atan Pu Buddha Lila Chakma chu Lawngtlai Bawrhsap, Pu Amol Srivastava'n rinawmna thu tiam tirin a la lut. 

May ni 9, 2022 a, Chakma Autonomous District Council Budget Session neihah CEM Pu Rashik Mohan Chakma chu rintawk lohna motion pu lutin paihthlak niin, term khat chhunga CEM 5na ni turin vawiin khan Pu Buddha Lila Chakma chu lakluh a ni.

10th CADC hi kum 2018 ah in thlanna neiin CEM hmasa ber, Pu Santi Jiban Chakma chu Pu Rashik Mohan Chakma hian a thlak a, a hnu reilo teah Pu Durjya Dhan Chakma in thlak lehin Pu Rashik Mohan Chakma hian a thlak nawn leh a, hun reilote chhung rorelna fawng vuanin Pu Budhha Lila hian a thlak leh ta a ni.

Pu Buddha Lila Chakma hi 13 Vaseitlang MDC Constituency atang thlantlin niin, CEM nihna te, Chairman leh Executive Member te pawh lo ni tawh a ni a, CADC ah hian CEM tum hnih a nihna tur a ni.

CEM atana lak luh thar Pu Buddha Lila Chakma chuan thu sawiin, Hruaitu hmasa te zahna chibai a buka, sawrkarna tha taka kalpui an tum thu sawiin, hna thawhna tur Budget siam a nih angin eirukna awmlova hma kan sawn theihna hmalak a ni ang a ti. Ṭhangthar ten aia upa te zahna an tlakchham tawh avangin Middle school ah Zirhtawpni apiangin in zirtirna kalpui a ni tawh ang a ti bawk.

CADC ah hian rorellai MNF party chuan member 20 neiin MDC zawng zawng hi MNF vek an ni a, tun term chhungah hian hruaitu in thlakna hi ṭum nga a thleng ta a ni.