Mizoram Journalists' Association, Lawngtlai District hruaitute chuan nimin khan Chakma Autonomous District Council leh SDO(Civil) Chawngte leh BDO Office an tlawh.

July 22, 2022 Chawngte: Chakma Autonomous District Council an tlawhna ah hian CADC Executive Secretary, Pu Pronit Bikash Chakma chuan Lawngtlai District Thuthar thehdarhtute hi lo dawngsawngin, MJA hruaitute chuan CADC chu Bangladesh nen ramri thuitak intawm a ni a, ramdang mi tan Mizoram luhka thatak a nih vangin, District Council chuan ramdang mi, dan lova Mizoram a rawn lut tur ven kawng ah tan la zual se an duh thu an sawi a.

Chawngte SDO (Civil) leh BDO ni bawk, Dr.Manesia Khaimeichho chuan thuthar thehdartute chu kawm in Chawngte RD Block huamchhunga hmasawnna hna thawhdan te a hrilh a, Chawngte khawpui chhung kawngpui chhe lutuk chungchangte sawi hoin, Dr. Manesia Khaimeichho chuan hnathawhtheih hun remchang hmasa berah MGNREGS hmanga siam tumin ruahmanna kalpui mek a nih thu a sawi.

Hetih lai hian, Chawngte Times zawhna chhangin PWD JE, Pu Tojim Chakma chuan, Chawngte khawchhungah hian Mizoram PWD enkawl lai main road hi 18km a thui niin, tuna khawchhung kawng chhe lutuk thawm thatna tura hmalakna erawh engmah ala awm lo a ti thung.