Chawngte kawng a tlak bal avangin Chawngteah Lirthei lian a lut thei lo.

September 5, 2022 : Chhumkhum to Chawngte kawng hi tun dinhmunah kawng tla bal avangin Lirthei lian chi bungraw phur a lut thei lo. 

Kawng tlabal avanga Lirthei lian bungraw phur kal thlang theih lohna hi Chawngte atanga 1km bawr vel a ni a, kawng tlakbal dan hi a nasa hle a, lirthei tê tan pawh kawng a chhia leh nâl avangin kal a harsa hle. Kawng chhe lai hi hmun engemaw zat a awm a, kawng tla bal leh a chhak lei min avanga kawng hi ping mai thei tur hmun engemawzat a awm bawk. 

Tukin khan kawng tlabal avang hian Eirawng bawlna Gas phur truck pawh Chawngte a thleng thei lova, hetianga lirthei lian kaltlang thei lova a awm reng chuan mipui mamawh eibar chawk luhna kawngah harsatna lian tak a thleng thei dawn a ni.