EDITORIAL

Mihring hlutna hi ropuina leh sanna lam a ni lova, hausakna leh thiltih theihna lam a ni hek lo. Mi ropui nia kan ngaih tam tak chu reiloteah kan hriat rengna an hlauh a, an dam chhunga chawimawina an chhawm thei hek lo. Sum leh pai ngah avang te, thahrui leh finna kawnga chhuanawm tak te, tawngkam thiamna leh chhungkhat laina ngah vang ngawt pawh hian hlutna tak tak a nei chuang hek lo. 

Mi tupawhin a nihnate, a theihnate, a neihte hi tangkai taka a hman thiam hian a hluin a lo ropui thin. Ram hruaitu tam tak liam tate zingah khawvel leh ram in a hriat zui erawh an tlem hle a, an hming dai tawh ngailo tur pawh tam tak an awm lem lo. Kan ram leh khawtlang hian hruaitu eng emaw zat kan nei tawh a, ram leh khawtlang tante, midang tana an thatna te hahipa sawi zui vawng vawng tur an tamlo hle a ni.

Tuna kan ram leh khawtlang hruaitu, sawrkar mi pawimawh tak takte hian thang thar lo la awm zel turte tan ram leh hnam rohlu hnutchhiah a, ram tan chhenfakawm leh hriat reng tlak nih tum a va pawimawh tak em.