Khawtlang nunphung hmasawnna pawimawh tak mai chu inkalpawhna kawngpui tha neih a ni. Tun lai in ramchhung hmun hrang hranah kawngpui chhia, kawng chhuat tlabal, leimin avang kawng ping, chirh-diaka motor tang sawi tur leh social media leh chanchin tharah hmuh tur a tam hle.

 

Hetianga kawng tlo lo zet kan neih chhan hi kan leilung nghet tawk loh vang te, khuarel chhiatna chikhat a nihna te, hna thawktu inthlahdah vang te, a viltu tur sorkar chak tawk loh vang te pawh a ni thei âwm e.

 

Kan kawngpui hi tha tak a siam a nih theih nan hnathawktute vil ven kawngah tha pui kan thawh a tul hle a, mipui mawhphurhna lian tak a ni thei. Hna thawhna hmanraw thenkhat chheprelh tum an lo awm a nih pawhin hun remchang siamsak lo ila, kan kawngpui a that theih nan tan rual a tul tak zet a ni.

 

Kan kawngpui siam mek vil veng turin All NGO hruaitute chuan Monito-ring Comt. a din a, theihtawp an chhuah ve bawk, an hun leh tha tamtak an seng a, mipui lam hian an tha tichak turin tan lak atul hle. Tlakcham an neih leh neih loh te pawh kan ngaihven pui thei  nih chuan tuna aia chak zawk leh phur takin an vilveng thei ngei ang. Kawngpui chhia sawiseltu mai ni lovin, engemaw zawng tala tangkaina kan neih a tul takzet a ni.