Vantlang bungraw humhalh

Vantlang bungraw humhalh chungchang hi in zirtir ngailo tura ngaih  a nih laiin, nasa leh zuala in zirtir kan ngaihna hian kan mizia leh kan rilru sukthlek a lang chiang hle a ni. Kan ramah hian vangtlang bungraw humhalh leh enkawl kawngah hian kan mawhphurhna kan hlen thalo hle in a hriat.

 

Vantlang bungrua han tih hian a huam zau viau thei a, kan khawtlang a hmun pawimawh te, mimal anga neitu awmlo leh khawtlangin kan hman ho theih te hi a ni mai awm e, eg. Hall, School, Kawngpui, kawngsira thil tar,  Bazaar, infiamna hmun, Sorkar hmun, etc. heng te hi mimal taka ‘Ka ta’ kan tih theihloh te an ni.

 

Vantlang bungrua te hi mahni ta anga ngaia enkawl leh dimdawih hi khua leh tui tha mawhphurhna a ni a, ‘Ta a neih’ erawh a tha kher lo. Vantlang bungrua te hi ‘Kan ta’ a ni a, ’Ka ta’ a ni lo thung. Neitu dang an awm ve avangin kan duh duh a tichhe thei kan nilo a ni.

 

Kohhran a thalai pawl te, khawtlang tlawmngai pawl ten thu maia inzirtir lovin an chhe chhuak fo thin a, amaherawh chu pawl anga chetchhuah fo hi a rem lohna tam tak a awm thin avangin sawt zawk a vantlang bungraw humhalh leh dimdawih taka enkawl hi mimal tin ten tan kan lak a tul hle a, vantlang bungrua ti chhe zawng a kut thawhtu ni lovin, zah taka humhalhtu nih i tum theuh ang u.