MIPUI LEH BANK

 

Mipuiin Bank hlutna kan hria a, tangkai taka hman kan tum theuh tawh a, sawrkar pawhin mitinin bank account kan neih theuh na turin ruahmanna te a siam hial a, sawrkar atanga hamthatna mipuiin an dawn theihna turin nasa takin a kalpui mek zel a ni.

Sawrkar scheme hrang hrang leh zirlai Scholarship thlengin a dawngtu tur dik takin, a dawn tur zat dik tak a dawn / hmuh  theihna tura ruahman a ni a, chutih mek lai chuan ram chhung dinhmun inchenlo lutuk avang zawk erawh chuan mi thenkhat tan chuan harsatna lian tak a ni fo reng a ni. 

MRB Chawngte Branch hian hun engemaw lai atang khan dawrtu a ngah thei hle a, bank pawn lam a intlar an tam thin hle a ni. Han in nek buai deuh a thawm rik deuh hluai chang pawh a awm fo mai, zan lam atang ding leh riah chilh an awm hial hian bank an mamawh zia ati lang chiang hle a ni. Heng bank dawr tum intlar te hi mi harsa ve tak tak an ni hlawm a, PMAY, MGNREGS, SEDP lak tum an tam ber. Hetiang a an account a pawisa awmsa lakchhuah nan hun tam tak hmang ral lova awlsam zawk a an lak chhuah ve theihna tur  hian thuneitu lam te hian ruahmanna tha tak siam leh an harsatna sukiang tur hian ngaihtuahna an sen a hun ta viau mai.