MIZORAM RURAL BANK DAWRTU AN TAM THIN HLE

 

            Mizoram Rural bank Chawngte Branch ah hian sawrkar scheme hrang hrang PMAY, SEDP, MGNREGS leh thil dang avangin dawrtu an tam thei hle a, bank chhung lama lenglo pawn lamah intlar an tam thei hle. Hetianga bank dawrtu tam thin hian ziaawm lam a pan thei meuh lova, bank pawn lamah harsatna buaina tenau a thleng zeuh zeuh reng a ni.

 

            Chawngte RD Block huamchhungah hian khaw 88 awmin, Chawngte RD Block huam chhung nilo MRB Chawngte Branch dawr thin engemaw zat an awm bawk a, heng khaw 88 atang hian hmun hla tak tak, Bangladesh ramri depa awm khua te pawh bank dawr tur hian an lo kal thin a ni.

 

            MRB a thawktute sawi danin Bank Account atanga sum la chhuak tur hian mahni ngei kal a ngaih thu leh Ni khata transaction period ah hian transaction 100 vel a khawih hman thu an sawi. Bank dawr tura lo kal te hi chhung khat laina belh tur hrelo te pawh awmin, bialtu MDC te an thlen chilh thu an sawi bawk.

 

            Thawhtan ni khan bank pawn lamah buaina tenau a chhuak a, harsatna lian tham erawh a thleng lo.  YCA leh VC lamin awmze nei zawk a, bank dawr turte in tlar leh harsatna lian tham a thlen loh nan an venpui a, ruahmanna siamin bank dawrtute hi an tanpui a ni.