Lirthei chesuala boralta CADC MDC te pahnih vuina hun an hmang.

#thechawngtetimes

January 17, 2023 Chawngte: Nimin a Lithei chesual a boralta Chakma Autonomous District Council MDC Pu Mohesh Baran Chakma leh Pu Charan Singh Chakma te chu CADC Secretariat kawtah ropui takin an thlah liam.

Vawiina MDC pahnih vuina inkhawm ah hian, District Council Secretary, Pu Dicambar Chakma chuan CADC a an dinhmun te a tarlang a, Pu Mohesh Baran Chakma hi CADC hnuaia SSA zirtirtu hna thawkin apa, Samratsur Chakma boral hnuah Politics luhchilhin 11-Ajasora Constituency atanga thlantlin a ni a, Deputy Chairman, Executive member, Adviser to Planing & Development leh Adviser to CEM ah te alo awm tawh a, fanu pathum neiin kum 41 mi niin a boral ta a ni.

Pu Charan Singh Chakma hi 9-Ugudasury south Constituency ah June 6, 2019 khan thlantlin a ni a, Deputy chief whip, Executive member, Adviser to planning development committee nihna alo chelh tawh a, fanu pathum neiin Kum 38 mi niin a boral ta a ni. a ti.

Minister, Pu R. Lalzirliana te, Lawngtlai DC Pu Amol Srivatava te, tawrhpuina thu ziak chhiarchhuah a ni a, CADC Chairman, Pu Kali Kumar Tongchangya te, Pu Buddha Lila Chakma te leh CADC a hruaitu pawimawh tak tak te, Political Party hrang hrang aiawh te, Chakma Tlawmngaipawl hrang hrangte aiawh pawhin uina thu an sawi.

He hunah hian West Tuipui bialtu MLA Pu Nihar Kanti Chakma leh LADC Planning Vice Chairman Pu Tuturu Singh pawh in an telpui.

Central Young Chakma Association te chuan he chhiat tawhna chungchangah thuchhuah siamin, YMA Melthum Branch leh chhiat tawhna avang tlawmngai taka buaipuitu zawng zawng te hnenah lawmthu an sawi a ni.