74^th India Republic Day Chawngteah ropui 

taka hman a ni.

 

January 26, 2023 Chawngte: Ram chhung hmundangte rualin Chawngteah Republic Day ropui taka lawm a ni a, Chawngte Civil SDO, Dr. Manesia Khaimeichho chu khuallian ni a hman puiin Ram puanzar a pawtpharh.

 

Vawiina India Republic Day lawmnaah Khuallian SDO (C) Dr. Manesia Khaimeichho chuan thu sawiin, Ram mipui lungrual taka kan khawsak ho theihnan Danpui (Constitution of India) kan neih theih nana sulsutu, Dr. BR Ambedkar, Jawaharlal Nehru, Sardar Patel te kan hre reng a, an in pekna avanga vawiinah India chu khawvela ram ropui ber pawl kan lo ni ta a ni.

 

Hmasawnna hna thawk tur chuan remna leh muanna a awm a ngai a, Chawngte leh a chheh velah pawh hnam hrang hrang awm mahila, inunauna vawng nung reng ang u. a ti. Chawngte Area hmasawnna kal zelah Mobile Signal awm lohna hmunah tower bun tura ruahman fel a ni tawh a, Inkalpawhna kawngpui pawh PMGSY hmanga hna thawh chhunzawm zel a ni a, reiloteah zawh thuai beisei a ni. Zirna lam hmasawnna turin zirna In pawh BADP leh MDC (LAD) scheme hmangin sak leh repair a ni a, NEC hnuaiah School  sakna tur Crore 3 hmu in School 10 sak a ni tawh. Tuithianghlim hnianghnar taka kan hmuh theih nan NABARD atangin, Chawngte Composite Water Supply Scheme Phase-1 approval a awm tawh a ni. Chawngte RD Block chhungah PMAY (G) hmangin Chhungkaw 2978 hnenah Insak tanpuina pek a ni a, Ni za inhlawhna MGNREGA ah hian Job Card 10000 chuang awmin inhlawhna siamsak thin a ni. Ram hmasawn tur leh chhungkua kan intodelh theihna nang leh kei kan pawimawh a, sorkar hmalaknate tha takin i thawhpui zel ang u. a ti.

 

Republic Day lawmanah hian School 8 ten ram puanzar chibai an buk a, hnam lam leh zaite entirin, khuallian hian Community Health Centre Chawngte a tlawh bawka, damlo te hnenah thilpek a hlan.