State Bank Of India Customers meet cum Cultural night an hmang.

January 4, 2023: Nizan khan Chawngteah aṭum khatna atan State Bank Of India, Chawngte Branch huaihawtin CADC Arts & Culture Hall, ah SBI Customers Meet cum Cultural Night an hmang.

He hunah hian Chakma Autonomous District Council Executive Secretary, Pu Pronit Bikash Chakma chu khuallian niin a hmanpui.

State Bank of India, Chawngte Branch Manager, Pu PC. Lalnunpuia chuan, kal khawmte lawmna thu a sawiin, 'December 2022 a CD ratio hi 166.02% a ni a. Mipuiin bank a pawisa kan deposit aiin loan lak a tam zawk daih tihna a ni. Chuvangin savings uar tur leh, bank-ah a pung neia him tak si a pawisa dah uar turin a insawm a. Loan an lak dawnah pawh an hmanna tur leh an mamawh zat turte chhut lawk a, an mamawh mil tur loan product dil turin a chah bawk. SBI Assistant Manager, Pu Romalsawma leh Deputy Manager Pu Anthony Chawngthanzuala te chuan 'Digital products & fraudulent Activities' leh 'Customer Value Enhancement products' tih hmangin thu an sawi bawk a, hnam hrang hrang lam leh ziarang entirin, he hunah hian SBI Customers mi 250 vel an tel thei.