Central YMA atanga an dawn hmangin Tuichawng Group YMA ten Bangladesh raltlan tanpuina an hlan.

March 5, 2023 : Bangladesh buaina kal zelah an sahimna zawnga Mizoram rawn lutte chhawmdawlna kawngah NGO, Kohhran leh mimal te pawhin theih tawp an chhuah reng a, Central YMA atanga an dawn Rs. 7,50,000/- hmangin Tuichawng Group YMA te chuan Bangladesh raltlante awmna khaw hrang hrangah kalin tanpuina eitur leh sumfai an hlan.

Zirtawpni kalta atang khan Tuichawng Group YMA te chuan raltlante awmna khaw hrang hrang tlawhin, raltlan mi pakhatah Buhfai 15kg leh Rs. 500/- zela pek a ni a, an chawhmeh tur Dal, Alu leh thildang pawh an pe tel bawk. An chhinchhiah danin Bangladesh atanga raltlan hi chhungkaw 142 niin mi 566 an tling tawh a ni.