Young Mizo Association, Tuichawng Group inkhawmpui vawi 27na Tuichawng Run, Mautlanga neih ah, Sawrkarin Health Clinic  Chamdurtlang-I ah dah a nih theih nan hmalak an rel.

 

April 27, 2023: Young Mizo Association, Tuichawng group chuan Tuichawng Run, Mautlangah Thawhlehni atanga khan Inkhawmpui neiin nimin khan rorelna an nei. He Inkhawmpuiah hian Ram leh hnam humhalh tih thupui hman a ni. PHE Department Director, Er. H. Duhkima a chu khuallian niin a hmanpui a, Pu Duhkima chuan, “Mizoram ram kang nasa hian tuihna a khawih nasa  lutuk a chuvangin tuihna humhalh leh venhim kawngah theihtawp chhuaha hma la zel turin kal khawm te a fuih a ni.

 

Nimina rorelnaah hian Chamdurtlang-I ah Sawrkarin Health Clinic dah a nih theih nan hmalak nise tih te, Tuichawng Run an neih theihnana hmalak te, PMGSY road hi YMA leh Mizoram PWD nen thawh hona thuthlung an siam angin enzui nise, Group huapa Blood Donation Camp nei turin a rel a ni.

Kum 2023-2025 a an hruaitu tur thlang nghalin, President a tan Pu K. Vanlalhluna, Vice President ah Richies Laltanpuia, Secretary ah James C. William, Asst. Secretary ah R. Lalngilneia, Treasurer ah Eliazer Renthlei leh Fin. Secretary ah T. Lalnunzauva te an thlang chhuak a ni.