11th CADC inthlan lo awm tura Rengkhasya Constituency a BJP Official Candidate Pu Amit Kumar Chakma chu nizan dar 11:30 vel kha Lokhisury ah mi kut tuarin a thi.
May 5, 2023: Chakma Autonomous District Council a Member of District Council inthlan lo awm turah Rengkhasya Constituency a BJP Party official candidate Pu Amit Kumar Chakma chu mi kut tuarin a thi.
Pu Amit Kumar Chakma kutthlak a nih rual hian, Lokhi Ram Chakma (35) te, Moi moi Chakma (27) te, Subash Chakma (22) te, Bakra Joy (34) te, Tridip Chakma (30) te, Shanti Moy (17) ten awmve in kut an tuar a, hliam tenau an tuar vek a ni. Damdawiin a thawktute hnen atanga thudawn danin an zingah Lokhi Ram Chakma (35) hian a luah hliam tuarin a dinhmun a that loh deuh avangin refer a ni.
Police te sawidanin, thubuai hi Vasei Police Station ah ziahluh niin, Pu Amit Kumar Chakma leh a thiante kutthlaktu hi mi 3 vel an nih thu an sawi a, an zingah MNF official candidate Pu Prema Ranjan Chakma pawh telin Vaseikai Police ten man nghalin Lawngtlai lamah phurh chhoh nghal a ni. Nimin khan BJP Party lam hian Lokhisury ah rally neiin Rengkhasya lamah an haw a, la cham thenkhat ten buaina tenau an neih chu Pu Amit Kumar Chakma hian Vasei Police te nen remna siam turin Lokhisury ah an han kal a, kut an lo thlak ngal mai niin an sawi.
Thu neitute chuan buaina liantham a thlen lohnan theihtawp an chhuah reng a, Chawngte leh Rengkhasya bial lamah pawh boruak duhawmlo thleng a awm rih lo.
Nunna chanta, Pu Amit Kumar Chakma hi Rengkhasya Constituency ah 9th CADC khan INC Party atanga thlantlin niin, CEM nihna a lo chelh tawh a, 10th CADC ah INC atang bawka thlantlin niin, MNF ah a lut a ni. 11th CADC inthlan lo awm turah hian Rengkhasya Constituency ah BJP Official Candidate a ni bawk.
Election official te sawi danin hetia Candidate nunna chan an awm avangin CADC Inthlanpui neih lai hian Rengkhasya bial erawh inthlanna kalpui theih a ni dawn lova, State Election Commission in hun remchang a ruahman hunah inthlanna hi neih a ni ang.
No comments:
Post a Comment