Pu Amit Kumar Chakma tual thihna chungchanga Lawngtlai SP Pu Pukhraj Kamal IPS thu chhuak.

May 7, 2023: Chakma Autonomous Council inthlanna lo awm tura Rengkhasya Constituency a BJP Official Candidate Pu Amit Kumar Chakma tual thihna chungchangah vawiin khan Lawngtlai SP Pu Pukhraj Kamal chuan The Chawngte Times kaltlangin thil awmdan a puang chhuak.

Lawngtlai SP chuan, May 4 zana mi kut tuara nunna chanta Pu Amit Kumar Chakma Nupui Pi Rohita Chakma chuan Vasei Police station ah FIR a thehlut a, Police te chuan rang taka bawhzuiin tual thattu nia puh, Prema Ranjan Chakma te, Rupyan Chakma te, Chitro Ranjan Chakma te, Anan Jivan Chakma te chu man an nih thu a sawi a, BJP Candidate tualthihna a mawhphurtu a puhte hi District Court Lawngtlai ah hruai niin District Jail Lawngtlaiah dahluh an ni tawh. Chawngte times zawhna chhangin Lawngtlai SP chuan heng mi pali te bak hi tualthihna a inhnamhnawih rinhlelh an la neih loh thu a sawi bawk.