11th CADC Executive Member lakluh inkhawm neih a ni.

 

June 14, 2023: Vawiin khan Lawngtlai DC aiawhin Chawngte SDO Civil, Pu Lalneihthanga Colney chuan, CADC Executive Member atan mi pasarihte rinawmna thu tiamtirin a la lut.

 

Vawiina CADC Executive Member a lak luhte hi, Kalasoga Chakma, 13-Vaseitlang te, Lakkhan Chakma, 17-Jarudubasora te, Sanjib Chakma, 2-Borapansury-II te, Santosh Chakma 11-Ajasora te, Supan Chakma 12-Maniabapsora te, Ananta Bikash 14-Longpuighat leh Montu Chakma 19-Devasora South atanga thlantlin te an ni.

He hunah hian CEM Pu Rasik Mohan Chakma chuan thu sawiin, “11th CADC Executive Committee din chu zawh fel a ni tawh tih a sawi a, a thawhpui te chu CADC leh Chakma mipuite hmasawnna tura thawk turin a chah.

 “Executive Committee din a nih takah chuan elected, non-elected leh advisory post dangte chu phase hrang hranga hnawhkhah a ni ang”, a ti bawk.