Lirthei chesualah mi pakhatin nunna a chan.

 

June 21, 2023: Vawiin chawhnu dar 2 vel khan Chawngte leh Rualalung inkar Chawngte atanga 3KM velah Recovery Van chuan a hma tlan LPK (MZ01E 1607) Pu Thanchungnunga Lungrang south a mi ta chu su in kawng thlangah an tla ve ve a, Recovery Van a chuang Handyman chu delhin a hmunah a boral nghal.

Chetsualna a thleng tih hriat rualin Chawngte, Lungrang leh Rualalung tangin mitlawmngai te an pung khawm nghal a, JCB hmanga ruang hi lakchhuah a ni. Nunna chanta hi Karon Jit (18) S/o Moniputdro Marpara nia sawi a ni a, Recovery Van-ah hian mi pathum chuangin a khaltu leh midang pakhat erawh hliam tenau an tuar thung. Recovery Van khaltu hi Sadon Bikash Chakma S/o Anonto Chakma Marpara niin a inchhal a, a sawi danin, a brake a fail avangin a motor a thunun zo tawh lova, a hma a tlan LPK chu su zuiin kawng tlangah an liam ve ve a ni a ti. Recovery Van khalhtu in a sawi danin, Rangte atangin Chawngte a, Power Sub-Station ah Transformer hlang thla tura kal a nih thu a sawi bawk.

LPK ah hian mi 5 chuangin kawng atanga 20Metre vel a lum a, an zingah naute a tel a, Driver Lalhmangaihzauva (Buanga) niin Motor neitu Pu Thanchungchunga fapa a ni bawk. Driver hian hliam na deuh tuarin Chawngte Damdawiin panpui nghal a ni a, midang chuang te pawh hliam an tuar bawk.