Chakma Autonomous District Council 11 na Badget Session chu nimin leh vawiin khan neih a ni.

 

April 10, 2024: Nimin khan Chakma Autonomous District Council 11-na Budget Session, 2024-2025 thutkhawm hmasa berah Bill pahnih, The Chakma Autonomous District Council (Constitution, Conduct of Business, etc.) (Seventh Amendment) Rules, 2024, leh The Chakma Autonomous District Council (Management and Control of Cremation and Burial Grounds) Bill, 2024. te chu hlawhtling taka pass a ni,

 

Bill hmasa ber, House leader leh Chief Executive Member, Pu Rasik Mohan Chakma, chuan CADC (CCB etc.) Rules, 2002 siamthatna tur engemaw zat a rawt a, chuta langsar tak pakhat chu Chakma tawnga Oath of Affirmation member-te bakah CADC Executive Member-te tana Oath of Secrecy siam a ni.

 

Bill pahnihna, The Chakma Autonomous District Council (Management and Control of Cremation and Burial Grounds) Bill, 2024 chu House Leader aiawhin Pu Lakkhan Chakma, Executive Member, i/c LAD, CADC in apharh a. He Bill hian ruang hal leh phum dan tur ruahmanna siam a, khaw tinah ruang halna hmun tlanglawn tak takte uluk taka enkawl leh control a tum a ni. Bill pharhnaah hian house leader chuan Chakma-te zingah kum tam tak kalta aṭanga khaw hrang hranga ruang halna hmun inang an neih ṭhin dan te, mipui chenna hmun bula mimal ram-a ruang hal leh phum dan a pun zel avangin mipui hriselna leh thianghlimna a nghawng ṭha lo hle tih a sawi. Hetiang thil hrisel lo tihtawp nan regulation siam chu “dour of the hour” a nih thu a sawi a, pass a nih theih nan house member-te thlawpna a dil bawk.

 

Bill pahnihte hi House-ah uluk takin sawiho a ni a, eptu lam aṭanga member – Pu Nirupam Chakma, Pu Kali Kumar Tongchanggya, leh Pu Doymoy Daveng Chakma ten thu sawiin Bill-te hian house member-te aṭangin majority support an hmu a, pass a ni.

 

Vawiin chawhma lam khan CADC Chariman Pu Mohan Chakma kaihhruaina in CADC Session neih chhun zawm a ni a, House leader leh Chief Executive Member, Dg. Rasik Mohan Chakma, chuan kum 2024-2025 chhunga Chakma Autonomous District Council Budget a pharh. Budget hi April 16th, 2024 hian sawiho leh vote thlak a ni ang.

 

Supplementary Demand for Grants, 2023-24 & Re-appropriation of Local Receipts Fund, 2022-23 leh Demand for Grants, 2023-24 (Budget Estimate) te chu member-te sawiho leh pawmpuina atan House hmaah pharh a ni. Fiscal year 2023-24 chhunga Supplementary Demand for Grants chu Normal Grants-in-Aid hnuaia hlawh lakah Rs. nuai 2656.86 a ni.

 

Fiscal year 2023-2024 chhunga Local Receipts chu cheng nuai 147.24 a ni a, target cheng nuai 159.75 lakhs a ni. CEM chuan cheng nuai 12.51 a tlakchham chhan chu brick siam chhuah loh vang te, market atanga fee lak tlem vang te, building atanga rent dawn that loh vang te a ni, a ti. Kumin fiscal year chhunga sum lakluhna tur budget target tihhlawhtlin chu ngaih pawimawh a nih tur thu a sawi. Chuvangin, fiscal year 2023-24 chhunga Accounts on the Expenditure of Local Receipts chu re-appropriate a rawt a, department hrang hrang atan hriattirna leh pawmpuina atan a pharh a ni.

House leader chuan thu sawiin, financial year hmasa lama budget allocation ang lo takin kuminah hian State sorkarin Salary leh Non-Salary a hranin a tarlang lo tih a sawi a, Village Council Remuneration tih loh chu salary head nena khaikhin chuan cheng 67.36 lakhs leh non-salary head Rs.77.98 lakhs a ni. Hlawh atan mamawh leh Grants-in-Aid pangngai chu Rs.19793.49 lakhs vel nia chhut a ni. Account of Receipts and Expenditure-ah deficit cheng nuai 5418 a awm tih a tarlang a, hei hi State sorkar aṭanga grant dilna supplementary-a khung a nih beisei a nih thu a sawi. State sorkarin a hun takah a mamawh fund a pek chhuah ngei a beisei thu a sawi.

 

Sum lama harsatna nasa tak karah pawh CADC-in fiscal year 2023-24 chhunga a hmasawnna langsar tak tak a sawi bawk a, chungte chu Revenue Circle office sak te, Integrated Land Records Management System install te, moral education chungchanga text book tihchhuah te, Chakma text tihchhuah te a ni Class-I atanga VIII thlenga lehkhabu siam te, CADC calendar leh Choice of the people chart te, sikul building siamthat te, pre-primary zirlai te tan text book, school uniform lei leh sem te, class-IV leh Class-VIII te tan common examination neih te, Normal Grants-in-Aid hnuaiah chhungkaw 666 hnenah vawk vulh, duckery, kel vulh, bawng vulh te sum leh paia tanpuina pek a ni.

 

Budget Speech tawp lamah house hruaitu chuan house member zawng zawngte chungah lawmthu a sawi a, Supplementary Demand for Grants, 2023-24 & Re-appropriation of Local Receipts Fund, 2023-24 leh Demands for Grants, (Budget Estimate), 2024-2025 te ngaihtuah leh pawmpui turin house ah a pharh a, tihfel tur a la awm loh avangin sitting hi tihtawp a ni a, karleh thawhtan ni hian chhunzawm a ni ang.