LADC HNUAIA TUN HNAIA HNA LÂK TE SÛT TURIN MIZORAM LARSAP HNENAH NGENNA AN THEHLUT

 

April 1, 2024 : Lawngtlai District Students' Association chuan tunhnai Dt. 28th Feb 2024 leh Dt. 4th & 6th March 2024 a LADC hnuaia department hrang hrang a appointment pek te chu, appointment an hmuhna tura approval petu tur ber CEM in majority a command tawhlo tih report LADC MDC 13 (Sawmpathum) ten DC&MA Govt.of Mizoram leh, Governor of Mizoram hnena report an thehluh hnuah leh Governor in floor test nei tura order a pek tihchhuah anih hnu a appointment approval hi pek anih avangin, Governor hnenah he thil hi chhuichianga, heng hna pek te hi sût tura ngenna vawiin khan an thehlut.

 

An lehkha thehluh a ziahlan danin, LADC a MDC 13 (sawmpathum) ten DC&MA Department Govt. of Mizoram leh Governor hnena LADC CEM in LADC sorkar ah majority a command tawhlo tih an thehluh ni leh a hnu Dt. 28.2.2024, Dt. 4. 3. 2024, Dt. 6. 3. 2024 khan LADC hnuaiah mi 19 appointment pek a ni tih an tarlang a, heng LADC hnuaia appointment pek te hi Mizoram Governor hnenah chhuichianga, heng hna pekte hi sût tura an duh thu lehkha siamin an thehlut a ni. LDSA in Governor lehkha an pek hi Secretary DC&MA Govt.of Mizoram pawh a copy pek niin, a tul anga lo bawhzui sak turin LDSA chuan a ngen bawk a ni.