Diltlang to Chawngte 'P' road PMGSY hmanga siam hnathawh chu vawiin khan Central YLA hruaitute leh YLA Sub-Hqrs. Chawngte hruaituten an tlawh.

 

February 10, 2025 : Vawiin khan Diltlang leh Chawngte inkar kawng PMGSY hmanga siam mek chu an hnathawh dan dinhmun endikin Central YLA hruaitute, YLA Sub-Hqrs. Chawngte hruaitute leh a huamchhung Branch hruaitute nen hnathawk mek tu, Benjamin Construction te nen inkawm hona hun an hmang.

 

YLA hruaitute chuan helai kawngpui pawimawh zia leh kawngpui tha mamawhna te sawiin chak tak leh tha taka hna thawk turin an ngen a, hnathawhna tikhaihlak leh hmasawnna dal zawnga harsatna te a awm chuan sutkian pui turin an inpeih reng thu an sawi a, chutih rual chuan kawng tha an duh avangin hnathawk tute chu an vil zui reng dawn a ni an ti.

 

Hemi chungchangah mipuite pawhin hnathawktute hnathawhna tikhaihlak zawnga khawsa lo turin YLA te chuan an beisei thu an sawi a, amaherawh chu anih dan tur anga hna an thawklo lai hmu te chuan video pawha cover mai turin mipuite pawh an chah a ni.

 

Vawiina kawng dinhnun en tur hian Central YLA GS Pu JH. Lalrindika te, CYLA Treasurer, Fin. Secretary, Kumpuan Chairman leh CEC memberte an tel a, Sub-Hqrs Chawngte hruaitute leh Branch OB thahnem tak an tel.

 

The Chawngte times in RTI chhanna a dawn danin, Diltlang to Chawngte ‘P’ road hi PMGSY Package 1 niin, Contractor Pu Lalparmawia, Hlimen (Benjamin Construction) leh Laldawngliana, Keifang ten Joint Venture in an thawk a, Hna tan hun hi Dt. 16.10.2024 niin, Dt. 16. 4. 2026 ah zo fel tura tih a ni bawk.