Chakma Autonomous District Council huam chhungah vawiin khan by-Election tluang taka neih a ni.

 

August 06, 2025 Chawngte : Chakma Autonomous District Council huam chhungah 7-Kamalanagar ‘W’ bialtu MDC Pu Sanjeev Chakma boral avangin By-Election nei tura ruahmanna chu vawiin khan boruak ralmuang tak hnuaiah By-Election neih a ni.

 

7-Kamalanagar ‘W’ MDC Constituency ah hian Polling Station 3 awmin, By-Election ah hian chuhtu Candidate 4 an awm a, ZPM Party candidate Pu Dinesh Moy Chakma, BJP Party Candidate Pu Joydeep Chakma, MNF Party Candidate Pu Rupyan Chakma leh INC Party Candidate Pi Kalpana Chakma te an ni.

 

Chawngte SDO (C) Pu Lalnunpuia Renthlei chuan Polling Station te hi tlawh kualin a vil reng a, Polling Station pakhat Rajmandal chu inbiakpawhna lamah harsatna a awm avangin vote tla zat dinhmun hriat a ni lova, vawiin tlai dar thum thleng khan Kamalanagar – IV Polling stationah vote 1109 awmin mi 561 ten vote an thlak tawh a, Saizawh West Polling Station ah vote 347 awmin voter 234 in vote an thlak tawh bawk a, Polling Station pahniha vote awm zawng zawng atangin 54.60% ten vote an thlak tawh a ni. Rajmandal Polling Station ah hian vote 317 a awm bawk.

 

7-Kamalanagar West MDC Constituency a polling station pathum ah hian voter 1773 awmin mipa 883 leh hmeichhia 890 an awm mek a ni.

 

Vote thlak zawh a nih hnuah EVM te hi Lawngtlai pan pui nghal tura ruahman a ni a, August ni 9, 2025 Saturday hian vote chhiar a ni ang.