Block Level Health Mela Chawngteah neih a ni.

April 21, Chawngte: India Ram zalenna kum 75na lawmna kal zelah hmundang ang bawkin Vawiin khan Health Mela, Chawngte Public School ah neih a ni.

He Health mela hawnnaah CADC Chief Executive Member Pu Rashik Mohan Chakma chu khuallian niin, thu a sawi a, Health Department hmalakna a Chawngteah Health Mela kan nei thei hi lawmawm atih thu sawiin, Mipui aiawhin lawmthu a sawi a, abik takin Chakma te hian hriselna kawngah hian siamchawp damdawiah rinna kan nghat em em thin laiin mithiam te enkawlna athat zia leh rintlak a nih zia kan hriat theih nen a tangkai hle a ni a ti.

CHC Chawngte Sr. Medical Officer, Dr. Walter Lalnuntluanga Sailo chuan he Health Mela ah hian athlawnin damdawi sem a ni a, Medicine Specialist te awmin, Mental, Dental, leh Eye, TB lam leh a dangte in entir theih a ni a, Health Card, Golden Card te, a siam tir nghal theih a, Covid -19 Vacine pawh an pe nghal bawk tih a sawi.