DRDA Lawngtlai District, Project Director, Pi Marilyn Rualzakhumthangi chuan Chawngte RD Block huamchhunga MGNREGS leh PMAY hmanga hnathawh te a hmunah a enfiah.

April 21, Chawngte: Chawngte RD Block huamchhung chhunga hmasawnna kal mêk MGNREGS leh PMAY hmanga hnathawh te chu, DRDA Lawngtlai District, Project Director, Pi Marilyn Rualzakhumthangi chuan vawiin khan a hmunah enfiahin a tlawh.

MGNREGS hmanga hnathawh Piggery Shelter, Saizawh West, 2 lakhs hmanga sak te, PCC side drain Arotinagar  te, Mini Percolation pipe line Kamalanagar te tlawhin PMAY hmang mi harsa  insak tanpuina dawng in sa Bajeisora leh Kamalanagar-III te a tlawh bawk. 

Vawiin vek khan BDO Chawngte leh a staff te meeting neih puiin Sorkar laipui atang hmasawnna lo kal te hnathawh dan te an sawi ho a, rinawm leh taima taka thawk tura fuihin harsatna an neih te a hnena thlen thin turin a chah bawk. Chawngte BDO Dr. Manesia Khaimeichho leh a thawhpui te an tel.