Chakma Autonomous District Council Budget Session neih ah Chief Executive Member chu rin tawklohna motion pu lutin paihthlak a ni.

May 9, Chawngte: Vawiin khan CADC Chairman, Pu Buddha Lila Chakma kaihhruaina in Chakma Autonomous District Council Budget Session neih a ni a, MDC, Pu Kali Kumar Tongchangya chuan CEM Pu Rashik Mohan Chakma chu rintawk lohna Motion pulutin CADC MDC 20 awmnaah MDC 13 ten he motion lamah ṭangin an dinpui a, Nikum October ni 14 a CEM a tana lakluh Pu Rashik Mohan Chakma chu paihthlak a ni.

10th CADC hi kum 2018 ah in thlanna neiin CEM hmasa ber, Pu Shanti Jiban Chakma chu Pu Rashik Mohan Chakma hian a thlak a, a hnu reilo teah Pu Durjya Dhan Chakma in thlak lehin Pu Rashik Mohan Chakma hian a thlak nawn leh a, tun hi 10th CADC term khat chhunga CEM paihthlak vawi lina a ni ta a ni. He Session ah hian CEM atang an paihthlak tâk, Pu Rashik Mohan Chakma te, Pu Amaresh Chakma te, Pu Buban Kumar Chakma te, Pu Amit Kumar Chakma te, Pu Lakhan Chakma te, Pu Lokhi Dhan Chakma te an tello bawk.