Court Sang zawkah Dr. BD Chakma

kal a tum

 

             Tuichawng bialtu MLA Dr. BD Chakma, kum 2013 - 2014 chhova CADC CEM a nih laia Sorkar sum hmang dik lova puhin Court-in thiam loh a chantir chungchangah Court sang zawkah kal a tuma tih a sawi.

 

Nilaini khan BJP Mizoram State Vice President ni bawk, MLA Dr. BD Chakma chuan an Party Pisa-ah thuthar lakhawmtute kawmin an thubuai chungchang hi a sawifiah a, Kum 2017-a Minister a nihna atanga huaisen taka alo ban tawh ang khan tun tuma Court in thiamloh a chantir chuangchangah pawh mipui tan ding a nih ang-in a tul chuan MLA atanga bang turin a inpeih reng tih a sawi a, hetih mek lai hian 2013 July ni 10 khan Supreme Court chuan MP, MLA leh MDC te thiam loh chantir an nih chungchangah hian thutlukna a siam angin, MP, MLA leh MDC tupawh thil tisuala puh an nihnaah thiamloh chantir an niha kum hnih aia tlemlo lungin tang tura hrem an nih chuan MP, MLA leh MDC an nihna atanga ban tir nghal tur tih a ni a, tuna thiamloh chantir an nihah hian kum khat tang tura hrem an nih chu Supreme Court in house member a tang chawlh tir tur chuan kum hnih atlin loh avangin a chungchang hi Speaker-in ngun takin a ngaihtuah anga thutluk-na dik tak a siam ngei a beisei thu a sawi.