IPHS Norms a lan angin, COMMUNITY HEALTH

CENTRE, (CHC) CHAWNGTE-AH THAWKTU AN AWM LO.

July 29, 2022: Community Health Centre (CHC) Chawngte hian khaw 59 Covered in, Chawngte Main Centre Area-ah khaw 44 awmin mihring  30968 an awm a, Borapansury Main Centre   Area-ah khaw 15 awmin mihring 11221 an awm bawk.

Indian Public Health Service (IPHS) Norms a alan angin, CHC  a thawktu awm thei zat leh tun dinhmuna CHC Chawngte a thawktu awmdan tlangpui chauh han tarlang ila.

General Surgeon - 1 ah NIL, Physician (Medicine) - 1 ah NIL,  Gynecologist - 1 ah NIL, Pediatrics -1 ah NIL, Anesthetist - 1 ah NIL, Eye Surgeon - 1 ah NIL, Dental Surgeon - 1 ah 1, General Duty (MBBS) - 6 - 2 (NHM Contract) Special Ayush - 1 ah NIL, Ayush General Duty - 1 ah 1, Staf Nurse - 19 ah 4 (Regular –2 leh Contract –2), Lab. Tech. - 3 ah 2 (NHM 1 leh MSAC 1), Radiographer - 2 ah NIL, Pharmacist componder-3 ah 1 (NHM), Pharmasict Ayush - 1 ah NIL.

Heng tarlan bakah hian thawktu awm thei engemaw zat ala awm, chutih laiin Damdawiin lam thawk-tute sawi danin damlo inentir an tamin, Nau nei leh Emergency Case an nei deuh reng thu an sawi.

Kum 2019 kum tawp lam atang khan X-Ray an neih tawh loh thu SMO, Dr. Walter Lalnuntluanga Sailo chuan a sawi.