Leimin leh kawngchhuat tlabal avangin Chawngte kawng siam hna ngawrh taka thawh a ni.

 

September 16, 2022 Chawngte: Chawngte atanga Lawngtlai panna leh Lunglei panna kawng siam that hna ngawrh tak a thawh a ni. ChhumkhumChawngte road Chawngte atang a 1 km velah kawng chhuat tlabal avanga Lirthei lian bungraw phur chu kaltlang thei lovin a awm mek a, lirthei te tan pawh kal aharsa hle a, Chhumkhum - Chawngte Road Monitoring Committee chuan chak taka hna an thawh theih nan a vil zui reng bawk a ni.

             Nimin khan Chhumkhum - Chawngte road Monitoring Committee chuan sawt zawka hna thawh a nih theih nan Zing dar 7:00 atanga tlai dar 4:00 thleng lirthei kal tlang phal lovin hna thawktute an vil zui a, Chawngte Group YMA hruaitu ten an tawiawm bawk.

             Chawngte ‘P’ - Diltlang road, Chawngte leh Hmunlai ramri bulah nimin khan leimin nasa tak avangin Lirthei eng chi mah a kal tlang thei lova, YLA Sub-Hqrs. Chawngte hruaitute chuan a hmunah  enin Department lam hotute hnenah an thlen nghal a, helai hna vil mektu (Contractor) te hriattirin  leimin thenfai hna hi thawh nghal a ni a, zan dar 6:00 vel khan kawng hi a tlang thei a ni.