Titi ti tamtu ber chu Politics hi ti ila kan sawi sual tam awm love, patling titi thiam deuh in politics an han sawi phei hi chuan nilen kan ngam mai awm mang e. Inthlang ram kan nih miau avangin khawpui leh thingtlang pa titi pawh ram pum huap politics a ni ve tho a, sawrkar tur inrin siak leh inti zawlnei tak tak pawh kan pung chho leh ngei ang.

            Ram leh hnam chhan nan te, retheite chawi kan a, ram leh khawtlang hmasawnna tur lam buaipui lo, mahni tan lam chak theih nana dawtsawi hreh miah lo pawh eng emaw zat an awm leh ngei ang a, sum leh pai hmanga lal thutthleng luah tumte pawh a lo chhuak a ni mai thei, chung mite chuan ram leh khawtlang hmasawnna hna ai maha buaipui tur an ngah zawk dawn avangin kan dikna chanvo hlu tak hi kan hman thiam atul hle a, candidate te ti hautak zawng a rilru     thianghlimlo pu thinte pawh thinhrik an nih chhoh mekna khawvelah hian rilru thianghlim tak pu chunga ram hruaitute thlang tura kan in buat-saih tan a tul tawh tak zet a ni.