YLA Member chu a taimain atlawmngai tur a ni. - EM Pu Andrew-a

September 23, 2022 Hmunlai: Lawngtlai District a tlawmngai pawl Young Lai Association (YLA) day lawmna New Hmunlaia neihah LADC Executive Member, Pu Andrew Laltlanzara chu khuallian niin a hmanpui.

EM Pu Andrew Laltlanzara chuan thu sawiin, YLA Member chu taimakna kawngah thahnemngai leh zual tur leh mahni thawhchhuah ngeia ding chhuaka midang te tanpui thei turin kan taima tur a ni a ti. Khawtlangin chhiat leh that a tawhin tlawmngaihna nena tha kan thawh a, innghahna tlak kan nih a tul a, kan ram leh hnam hi hmangaiha hmasawnna kawng zawhpui hi thalai te mawhphurhna a ni. Thiamna tak tak nei tur zirna kawngzawha puitling turin a chah a, faina leh thianghlimna kawngah pawh sulsutu pawimawh tak kan nih a tul a ni a ti. 

Khuallian, Pu Andrew-a hian YLA New Hmunlai branch ten atul apianga hman atan thilpek a hlan bawk.

YLA Hmunlai branch hian YLA Day vawi 48na hi ropui taka lawmin zingkarah Social Service neiin chhun lamah group thente infiamna hun hman a ni a, zan lamah programme hlimawm tak buatsaihin group intihsiakna neih chhunzawm a ni a, he inkhawmah hian khual zahawm Hmunlai VCP Pu T. Lalrochana leh YLA Sub-Hqrs. Chawngte President Pu J. Thanghleia ten thu an sawi bawk.