Bajeisora ah Mann ki baat programme a Prime Minister thusawi an ngaithla.

October 30, 2022 : Prime Minister Narendra Modi in All India Radio kaltlanga ram mipui hnena thuchah a sawi thin, Mann Ki Baat chu vawiin khan Bajeisora Hall ah mipuiten a huhovin an ngaithla a, Prime Minister thusawi ngaithlatute zingah CADC huamchhunga Self Help Group Member te an tam hle.

Vawiina Prime Minister thusawi ngaihthlakna ah hian Tuichawng bialtu MLA, Dr. BD Chakma pawh telin, MLA chuan, Prime Minister in ram hmasawnna turte, ram chhungah rualkhai taka hmasawnna a kaltheihna turte, miharsa zawkte dawmkan an nihtheih nan a hmalakna a kalpui dan chu Chakma mipui ten lawmawm an tih thu a sawi a, vawiin a Prime Minister in Nizung chakna hman tangkai chungchang a sawi chu CADC huamchhung leh Autonomous District Council huamchhung amite chuan an mamawh zual hle tih sawiin, BJP chu thiltithei dinhmuna a din chuan Nizung chakna hman tangkai chu a ngaipawimawh dawn a ni a ti.

CADC a Chakma te hian Mann Ki Baat prog hi an ngaihlu hle a, Prime Minister  thusawi a huhoa ngai thla hian ṭum hnih an punkhawmna a ni.