Kum tlinglo lirthei KHALH

 

Kan khaw chhungah naupang kum tlinglo lirthei vuan an tam ta hle mai a, an mahni himna leh midang te himna ngai pawimawha, kum tlinglo lirthei vawn tir loh a tha hle.

 

Ram chhung leh pawn, hmun hrang hrangah pawh lirthei ke hnih nei atanga a tam ber thleng pawhin, phalna pek tlak nia an hriatte chauh sorkarin lirthei khalh phalna a pe thin a, phalna neilo leh kum tlinglo lirthei khalh chu dan kalh a nih angin man leh chawi tir theih a ni.

 

Man leh chawi tir aia hlauhawm chu chetsualna a ni, vanduaina chu awm bawk mahse, lirthei chet sualna tam tak hi, ruih avang te, phalna neilo leh kum tlinglo lirtheih khalh vang te a ni bawk. Kan fate himna leh midangte chetsualna laka an him theihna turin nu leh pa ten kan khuahkhirh thiam a tul hle a, chet sualna  pawi tak a thlen hma ngei a kan fimkhur tlan a tul hle a ni.

 

Fimkhur taka lirthei khalh thin tam tak karah chak tak taka khalh ching pawh an la awm nual niin alang. Kawng sira awm leh ke a kal te tan, lirthei dang tana hlauhawm leh hnawksak khawpa lirthei khalh lo tur pawhin kan in fuih thar fo a ngai a ni. Fimkhur ila kan in chhir lovang.