Hmun dang, ram dangah pawh an ngaihhlut chu an ram leilung pianzia dang dai tak takte, Luidung leh luia nungchate hi hmuh nawm ti thei tur khawpin an enkawl thin. Chawngte hi vanneih thlak takin khawlaiah lui pahnih a luang a, heng luiah te  hian nungcha chi hrang hrang eng emaw zat an awm bawk a, siam chawp ngai hauh lova humhalh mai theih kan nei reng a ni.

Sangha fuan hunah Sangha rut lova, an in thlahpun theih nana humhalhtu kan nih a tul hle a, khawtlang hruaitu ten thuchhuah khauh tak siam thin mahse in ven vek sen a nih loh avangin, ven ngai ni lovin, vengtu nih i tum theuh ang u.

Luia nungcha te hi atul hun a kan ei leh mi thenkhat ten ei leh bar an hmuh theih nana an hman tangkai hian thil lawmawm tak a ni thei e, amaherawh chu duham leh pamham avanga dan phal loh hmanga man duhna thinlung kan put thin hi kan thlak a tul tawh a, hetiang ti thin te pawh thuneitute hnena thlentu nih pawh i hreh lovang u. Hektu nihna lam a kawk lova, khua leh tui tha nihna, mawhphurhna hlenna zawk a ni. Lui dung nungcha te  humhalhnaah hian khawtlang hruaitu leh thuneitute mawh bikah dah mai lovin thunetute tanpuitu nih i tum theuh ang u.

Kan lui pahnih te hi khawchhunga a luan chin chauh pawh Sangha man phal lohnaah puang thei ila, mipui kan tanrual bawk chuan reiloteah Sangha leng vel hi kan thlir thei ngei ang.